ສຳນັກຂ່າວຕ່າງປະເທດ ລາຍງານໃນວັນທີ 20 ພະຈິກນີ້ວ່າ ນັກຮົບກຸ່ມລັດອິດສະລາມ ຫລື ໄອເອັສ ໄດ້ເຜີຍແຜ່ວີດີໂອໃນມື້ວານນີ້ (19 ພະຈິກ) ຂູ່ຈະໂຈມຕີ ທຳນຽບຂາວ ຂອງລັດຖະບານສະຫະລັດອາເມຣິກາ ດ້ວຍມືລະເບີດຂ້າຕົວຕາຍ ແລະ ລະເບີດລົດ ພ້ອມຂູ່ຈະປະຕິບັດການ ໂຈມຕີນະຄອນຫລວງປາຣີ ອີກຮອບໜຶ່ງ ໂດຍວີດີໂອດັ່ງກ່າວ ມີຄວາມຍາວ 6 ນາທີ ຊຶ່ງກ່ອນໜ້ານີ້ 1 ວັນ ກຸ່ມດັ່ງກ່າວ ກໍໄດ້ເຜີຍແຜ່ວີດີໂອ ຂູ່ຈະທຳການໂຈມຕີ ນະຄອນນິວຢອກ ສະຫະລັດອາເມຣິກາ ດ້ວຍມືລະເບີດຂ້າຕົວຕາຍເຊັ່ນກັນ.

ແນວໃດກໍຕາມ ທ່ານ ເຈມ ໂຄມີ ຜູ້ອຳນວຍການ ອົງການສືບສວນ-ສອບສວນກາງ ສະຫະລັດອາເມຣິກາ ຫລື FBI ໄດ້ກ່າວວ່າ ຍັງບໍ່ເປັນທີ່ແນ່ນອນ ວ່າຄຳຂູ່ດັ່ງກ່າວ ມີຄວາມໜ້າເຊື່ອຖືໃດໆເທື່ອ.