spot_img
Homeຂ່າວການພັດທະນາຍີ່ປຸ່ນໃຫ້ການຊ່ວຍເຫຼືອ ໂຄງການກໍ່ສ້າງ ແລະ ຂະຫຍາຍໂຮງຮຽນ

ຍີ່ປຸ່ນໃຫ້ການຊ່ວຍເຫຼືອ ໂຄງການກໍ່ສ້າງ ແລະ ຂະຫຍາຍໂຮງຮຽນ

Published on

0263429195da43592cbaf64182a2f0e1

ລັດຖະບານ​ຍີ່ປຸ່ນ​ໃຫ້ການ​ຊ່ວຍເຫຼືອ​ລ້າ ​ມູນ​ຄ່າ 437.769 ໂດລາ​ສະຫະລັດ ປະມານ 3,6 ຕື້ກວ່າ​ກີບ ເພື່ອ​ກໍ່ສ້າງ ແລະ ຂະຫຍາຍ​ອາຄານ​ຮຽນ 5 ແຫ່ງ ທີ່ແຂວງ​ໄຊ​ຍະ​ບູ​ລີ ຊຽງ​ຂວາງ ຫົວພັນ ແລະ ແຂວງ​ຈຳປາ​ສັກ ພາຍໃຕ້​ໂຄງການ​ເສີມ​ສ້າງ​ຄວາມ​ໝັ້ນຄົງ​ຂອງ​ມະນຸດ​ຮາກ​ຖານ ຫຼື GGP.

ສຳລັບ 5 ໂຄງການ ປະກອບມີ ການ​ກໍ່ສ້າງ​ໂຮງຮຽນ​ປະຖົມສົມບູນ​ຜາ​ຊາງ ເມືອງ​ໄຊ​ຍະ​ບູ​ລີ ແຂວງ​ໄຊ​ຍະ​ບູ​ລີ ໂຄງການ​ກໍ່ສ້າງ​ໂຮງຮຽນ​ປະຖົມ​ສົມບູນ ມີເມືອງ​ແປກ ແຂວງ​ຊຽງ​ຂວາງ ໂຄງການ​ກໍ່ສ້າງ​ໂຮງຮຽນ​ມັດ​ທະຍົມ​ສຶກ​ສາ​ຕອນ​ຕົ້ນ​ຜາ​ແດງ ແລະ ຫໍ​ພັກ​ນັກຮຽນ ເມືອງ​ຂວັນ ແຂວງຫົວພັນ ແລະ ອີກ 2 ໂຄງການແມ່ນ​ຢູ່​ເມືອ​ໂຂງ ແຂວງ​ຈຳປາສັກ ຄື: ໂຄງການ​ກໍ່ສ້າງ​ໂຮງຮຽນ​ປະຖົມ​ສົມບູນ​ສີ​ສຸ​ລາດ ແລະ ໂຮງຮຽນ​ມັດທະຍົມ​ສຶກ​ສາ​ສົມບູນ​ລົບ​ຜາ​ດີ ເຊິ່ງ​ໂຄງການ​ດັ່ງກ່າວ​ ຈະ​ໄດ້​ເລີ່ມ​ຈັດ​ຕັ້ງ​ປະຕິບັດພາຍຫຼັງ​ມີ​ການ​ເຊັນ​ບົດ​ບັນທຶກ ແລະ ຄາດ​ວ່າ​ແຕ່​ລະ​ໂຄງການຈະ​ໃຫ້​ສຳເລັດ​ໃນ​ປີ 2020.

ພິທີ​ເຊັນ​ສັນຍາ​ໂຄງການຊ່ວຍເຫຼືອ​ໃນ​ຄັ້ງ​ນີ້ ຈັດ​ຂຶ້ນ​ໃນ​ວັນທີ 18 ພະຈິກ 2015 ທີ່​ກະຊວງສຶກ​ສາ​ທິ​ການ ແລະ ກີລາ ລະຫວ່າງ​ທ່ານ ຮີ​ໂຣ​ຢຸ​ກິ ຄິ​ຊິ​ໂນະ ເອກ​ອັກຄະລາຊະທູດ​ຍີ່ປຸ່ນ ປະຈຳ​ລາວ ກັບທ່ານ​ຫົວໜ້າ​ພະແນກ​ສຶກ​ສາ​ທິ​ການ ແລະ ກີລາ ແຂວງ​ໄຊ​ຍະ​ບູ​ລີ ຫົວພັນ ຊຽງຂວາງ ແລະ ແຂວງ​ຈຳປາ​ສັກ ໂດຍ​ມີ​ທ່ານ ພັນ​ຄຳ ວິພາ​ວັນ ຮອງ​ນາຍົກລັດຖະມົນຕີ ລັດ​ຖະມົນຕີ​ວ່າການ ກະຊວງ​ສຶກ​ສາທິ​ການ ແລະ ກີລາ ແຂກ​ຖືກ​ເຊີນ ພາກສ່ວນ​ທີ່​ກ່ຽວຂ້ອງ​ທັງ​ສອງຝ່າຍ ​ເຂົ້າ​ຮ່ວມ​ເປັນ​ສັກຂີ​ພິຍານ.

ແຫ່ລງຂ່າວ

ວຈໝ

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ, ສປປ ລາວ ສົ່ງ 39 ປະເພດກິລາ ຮ່ວມຊີງໄຊ ພ້ອມຕັ້ງເປົ້າ 5 ຫຼຽນຄຳ

ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບ ໄດ້ໄຂຂຶ້ນຕອນຄໍ່າວັນທີ 9 ທັນວາ 2025 ຢູ່ສະໜາມກິລາຣາຊະມັງຄາລາກິລາສະຖານ ນະຄອນຫຼວງບາງກອກ, ໂດຍການໃຫ້ກຽດກ່າວເປີດງານຂອງສົມເດັດພະເຈົ້າຢູ່ຫົວ ມະຫາວະຊິຣາລົງກອນ ພະມະຫາກະສັດ...

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...