ສຳນັກຂ່າວຕ່າງປະເທດ ລາຍງານໃນວັນທີ 19 ພະຈິກນີ້ວ່າ ທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ໄດ້ບັນລຸຂໍ້ຕົກລົງ ຜ່ານທາງໂທລະສັບກັບ ປະທານາທິບໍດີ ຟຣັງຊົວ ອອລລອງ ຂອງຝຣັ່ງ ໃນການຮ່ວມມືກັນ ປະຕິບັດການທາງທະຫານ ໂຈມຕີເປົ້າໝາຍຂອງກຸ່ມໄອເອັສ ໃນປະເທດຊີຣີ ຫລັງຈາກທີ່ກຸ່ມດັ່ງກ່າວ ໄດ້ທຳການບຸກໂຈມຕີ ນະຄອນຫລວງປາຣີຫລາຍຈຸດ ໃນວັນທີ 13 ພະຈິກຜ່ານມາ ແລະ ກໍ່ເຫດວາງລະເບີດ ເຮືອບິນໂດຍສານ ສັນຊາດຣັດເຊຍ ຕົກຢູ່ປະເທດເອຢິບ.