ຍັງບໍ່ທັນທີ່ທາງ ຊຳຊຸງ ຈະໄດ້ປ່ອຍອັບເດດ Android 6.0 Marshmallow ໃຫ້ກັບຜູ້ໃຊ້ຢ່າງເປັນທາງການ ແຕ່ຫລ້າສຸດ ມີລາຍງານວ່າ ຜູ້ໃຊ້ Samsung Galaxy Note 5 ລາຍໜຶ່ງ ໄດ້ອັບເດດ Marshmallow ແລ້ວ ຊຶ່ງເປັນການອັບເດດຜ່ານທາງ OTA ແລະບໍ່ໄດ້ທຳການດາວໂຫລດໄຟລ໌ ແລະ ທຳການຕິດຕັ້ງເອງແຕ່ຢ່າງໃດ
ໂດຍສະມາຊິກລາຍໜຶ່ງຈາກເວັບໄຊຕ໌ XDA-developer ນາມວ່າ danon. brown ໄດ້ໂພສຕ໌ຂໍ້ຄວາມຊຶ່ງລະບຸວ່າຢູ່ດີໆ Samsung Galaxy Note 5 ທີ່ໃຊ້ຢູ່ ກໍໄດ້ອັບເດດ Android 6.0 Marshmallow ຊຶ່ງຖືວ່າ ເປັນເລື່ອງທີ່ເປັນໄປໄດ້ຍາກ ເນື່ອງຈາກກຳນົດການປ່ອຍອັບເດດຂອງທາງຊຳຊຸງ ຢູ່ໃນເດືອນທັນວາທີ່ຈະເຖິງນີ້ ແລະຍັງບໍ່ເຄີຍມີໃຜໄດ້ອັບເດດມາກ່ອນອີກດ້ວຍ
ນອກຈາກນີ້ ເຈົ້າຂອງເຄື່ອງ Note5 ລາຍດັ່ງກ່າວ ຍັງເຜີຍອີກດ້ວຍວ່າ ພາຍຫລັງອັບເດດແລ້ວ ອິນເທີເຟດປ່ຽນແປງໄປເລັກໜ້ອຍ ໄອຄອນເບິ່ງລຽບກວ່າເກົ່າ
ຫລັງຈາກກວດສອບກັບທາງເຄືອຂ່າຍຊື່ດັງຢ່າງ T-Mobile ພົບວ່າ ກຳລັງຢູ່ໃນໄລຍະການທົດສອບ Marshmallow ກັບ Samsung Galaxy Note 5 ຢູ່ໃນຕອນນີ້ ແລະຍັງບໍ່ປ່ອຍໃຫ້ຜູ້ໃຊ້ອັບເດດແຕ່ຢ່າງໃດ