ທຸກ​ມື້​ນີ້​ສະ​ມາດ​ໂຟນ ເປັນ​ຄື​ແຂນ​ຂາ​ຂອງ​ຄົນ​ເຮົາ ຖ້າ​ແບດ​ເຕີ​ຣີ່​ໝົດ ກໍ​ເຮັດຫຍັງ​ບໍ່​ໄດ້ ການ​ໃຊ້​ແນວສາກໄຟ​ຢູ່​ກັບ​ທີ່ ຫລື​ສາກໄຟ​ກັບ​ພາວ​ເວີ​ແບ້ງ​ສາກ​ໄປ​ຫລິ້ນ​ໄປ ກໍ​ຄືຊິບໍ່​ດີ​ປານໃດ​ ແຕ່​ສຳລັບ​ຜູ້​ທີ່​ຕ້ອງ​ໃຊ້​ງາ​ນສະມາດ​ໂຟນ​ຄົງ​ຈະ​ລໍ​ໃຫ້​ເຕັມ​ບໍ່​ໄຫວ ເສຍ​ເວລາ ທຸກ​ມື້​ນີ້​ຈຶ່ງ​ມີສະມາດ​ໂຟນ​ຫລາຍໆ ຄ້າຍ​ຫັນ​ມາ​ໃສ່​ໃຈ​ລະບົບ​ສາກ​ໄວ​ຫລາຍ​ຂຶ້ນ

Huawei ແບ​ຣນສະ​ມາດ​ໂຟນ​ຈາກ​ປະເທດ​ຈີນ ກໍ​ເປັນ​ອີກ​ໜຶ່ງ​ແບ​ຣນ​ທີ່​ຫັນ​ມາ​ໂຊວ໌​ຈຸດ​ຂາຍ​ໃນ​ດ້ານ​ການ​ສາກໄວ ໂດຍ​ອອກ​ຄລິບ​ວີ​ດີ​ໂອ​ທົດສອບ​ການ​ສາກ​ແບດ​ເຕີ​ຣີ່ ຂະໜາດ 3000mAh ຊຶ່ງ​ຜົນ​ກໍ​ອອກ​ມາ​ເຫລືອເຊື່ອ​ເປັນ​ຢ່າງ​ຫລາຍ ເພາະ​ພຽງ 5 ນາ​ທີ​ເທົ່າ​ນັ້ນ ສາມາດ​ສາກ​ໄຟ​ໄດ້​ເກືອບ​ເຄີ່ງ​ໄດ້​ເຖິງ 48 % ເລີຍ​ທີ​ດຽວ ແລະ​ອີກ​ໜຶ່ງ​ຄລິບ​ເປັນ​ການ​ສາກ​ແບດ​ເຕີ​ຣີ່ 600mAh ທຽບ​ກັບ  Huawei ລຸ້ນ​ກ່ອນໆ ຊຶ່ງ​ລະບົບ​ສາກ​ໃໝ່​ນີ້​ໃຊ້​ເວລາ​ພຽງ 2 ນາ​ທີ​ເທົ່າ​ນັ້ນ ສາມາດ​ສາກໄຟ​ໄດ້​ເຖິງ 68% ທັ້ງໆ​ທີ່​ລຸ້ນ​ກ່ອນໆ​ເຮັດ​ໄດ້​ພຽງ 2 % ເທົ່າ​ນັ້ນ ແຕ່​ຢ່າງໃດ​ກໍ​ຕາມ ການ​ສາກໄຟ​ນີ້​ຍັງ​ຄົງ​ຕ້ອງ​ຖອດ​ແບດ​ເຕີ​ຣີ່​ຈາກ​ຕົວ​ເຄື່ອງ​ໄປ​ສາກ​ທີ່​ແທ່ນ​ສາກ ບໍ່​ໄດ້​ເປັນ​ລະບົບ​ສາກ​ຈາກ​ໃນ​ຕົວ​ເຄື່ອງ ຊຶ່ງ​ໃນ​ອະນາຄົດ  Huawei ອາດຈະ​ພັດທະນາ​ລະບົບ​ນີ້​ໄປ​ໃສ່​ໄວ້​ໃນ​ຕົວ​ເຄື່ອງ​ກໍ​ໄດ້