ເນື່ອງໃນໂອກາດຫ້າງຫາ ກະກຽມຄຳນັບຮັບຕ້ອນ 2 ວັນ ປະຫວັດສາດຄື: ວັນສ້າງຕັ້ງ ກອງທັບປະຊາຊົນລາວ ຄົບ ຮອບ 65 ປີ ແລະ ວັນປົດປ່ອຍ ແຂວງຜົ້ງສາລີ ຄົບຮອບ 60 ປີ ທີ່ຈະມາເຖິງໃນມໍ່ໆນີ້, ທ່ານ ຄຳເຈນ ວົງໂພສີ, ກຳມະການ ສູນກາງພັກ, ເລຂາພັກແຂວງ, ເຈົ້າແຂວງແຂວງຜົ້ງສາລີ ໄດ້ ລົງພົບປະໂອ້ລົມ ນາຍ ແລະ ພົນທະຫານກອງບັນຊາການ ທະຫານແຂວງໃນວັນທີ 27 ພະຈິກຜ່ານມານີ້ ເຊິ່ງມີບັນດາ ສະຫາຍຄະນະພັກ-ຄະນະ ກອງບັນຊາການ, ພະນັກງານ ຫຼັກແຫຼ່ງຈາກອົງການ 4 ຫ້ອງ ແລະ ກົມກອງອ້ອມຂ້າງເຂົ້າ ຮ່ວມຮັບຟັງ.
ໃນການໂອ້ລົມຄັ້ງນີ້ທ່ານ ເຈົ້າແຂວງໄດ້ກ່າວສະແດງ ຄວາມຍ້ອງຍໍຊົມເຊີຍ ຄວາມ ເອົາໃຈໃສ່ຊີ້ນຳ-ນຳພາຂອງ ຄະນະພັກ-ຄະນະບັນຊາແຕ່ ລະຂັ້ນ ແລະ ຊົມເຊີຍຜົນງານ ໄຊຊະນະທີ່ພະນັກງານ-ນັກ ຮົບຍາດມາໄດ້ ທ່ານຍັງໄດ້ ເນັ້ນໜັກໃຫ້ຄະນະພັກ-ຄະ ນະບັນຊາແຕ່ລະຂັ້ນ ຈົ່ງເພີ່ມ ທະວີການສຶກສາອົບຮົມການ ເມືອງນຳພາແນວຄິດໃຫ້ພະ ນັກງານ-ນັກຮົບ ໂດຍນຳເອົາ ແນວທາງນະໂຍບາຍຂອງພັກ ລະບຽບກົດຫມາຍຂອງລັດ ຂໍ້ກຳນົດກົດລະບຽບຂອງກອງ ທັບ ກໍ່ຄືຄຳສ່ັງແນະນຳ ແລະ ມູນເຊື້ອການເຕີບໃຫຍ່ຂະ ຫຍາຍຕົວຂອງກອງທັບປະ ຊາຊົນລາວ ຄົບຮອບ 65 ປີ ຜ່ານມາ ລົງຈັດຕັ້ງເຊື່ອມຊຶມ ຢ່າງທົ່ວເຖິງ. ເອົາໃຈໃສ່ປຸກ ລະດົມຊຸກຍູ້ສ້າງຂະບວນການ ຕ່າງໆເພື່ອຄຳນັບຮັບຕ້ອນ ກອງປະຊຸມໃຫຍ່ 3 ຂັ້ນຂອງ ພັກ, ວັນສ້າງຕັ້ງກອງທັບປະ ຊາຊົນລາວ ຄົບຮອບ 65 ປີ, ວັນປົດປ່ອຍແຂວງຜົ້ງສາລີ ຄົບຮອບ 60 ປີທີ່ຈະມາເຖິງໃນ ຕໍ່ຫນ້ານີ້, ໃຫ້ມີບັນຍາກາດ ຟົດຟື້ນກ້ວາງຂວາງ. ພ້ອມກັນ ນີ້ ທ່ານຍັງໄດ້ຮຽກຮ້ອງໃຫ້ ນາຍ ແລະ ພົນທະຫານແຕ່ລະ ຄົນຈົ່ງພ້ອມກັນຍົກສູງສະຕິ ລະວັງຕົວກຽມພ້ອມປົກປັກ ຮັກສາທ້ອງຖິ່ນ ພ້ອມກັນເຮັດ ສຳເລັດຫນ້າທີ່ການເມືອງທີ່ ພັກ-ລັດມອບຫມາຍໃຫ້ເປັນ ຢ່າງດີ.