ສຳນັກຂ່າວຕ່າງປະເທດ ລາຍງານໃນວັນທີ 17 ພະຈິກນີ້ວ່າ ຈາກສະຖິຕິຂອງ ສະຖາບັນເພື່ອເສດຖະກິດ ແລະ ສັນຕິພາບ (Institute for Economics and Peace) ໄດ້ເຜີຍວ່າ ຍອດຜູ້ເສຍຊີວິດ ຈາກການ ໂຈມຕີຂອງ ກຸ່ມກໍ່ການຮ້າຍທົ່ວໂລກ ພາຍໃນປີ2014 ມີທັງໝົດປະມານ 32,658 ຄົນ ຊຶ່ງເພີ່ມຂຶ້ນ 80%  ​​ເມື່ອທຽບ​ໃສ່ປີ 2013 ທີ່ມີ​ຜູ້​ເສຍ​ຊີວິດ 18,111 ຄົນ ຈາກການໂຈມຕີ ກໍ່ການຮ້າຍ ທີ່ເກີດຂຶ້ນຢູ່ພາຍໃນ 162 ປະເທດທົ່ວໂລກ ເນື່ອງຈາກ ການໃຊ້ກຳລັງ ແລະ ຄວາມຮຸນແຮງ ​ແບບຜິດກົດໝາຍ ຂອງ​ກຸ່ມ​ດັ່ງກ່າວ ໂດຍສະເພາະ ​ເກີດ​ຂຶ້ນ ໃນນະຄອນຫລວງ ປາຣີ ຂອງຝຣັ່ງ ໃນມໍ່ໆມານີ້ ໄດ້ເຮັດໃຫ້ມີຜູ້ເສຍຊີວິດເຖິງ 129 ຄົນ ​ແລະ ບາດ​ເຈັບ 300 ກວ່າ​ຄົນ ສົ່ງຜົນໃຫ້ ຫລາຍປະເທດ ຕ້ອງໄດ້ເພີ່ມມາດຕະການ ປ້ອງກັນ ຄວາມສະຫງົບ ​ໃນລະດັບສູງຂຶ້ນ.