ສຳນັກຂ່າວຕ່າງປະເທດ ລາຍງານໃນວັນທີ 16 ພະຈິກນີ້ວ່າ ຄະນະກຳມະການເລືອກຕັ້ງສະຫະພາບ ໄດ້ອອກມາເປີດເຜີຍວ່າ ພັກສັນນິບາດຊາດ ເພື່ອປະຊາທິປະໄຕ ຫລື NLD ຂອງທ່ານ ນາງ ອອງຊານຊູຈີ ໄດ້ຮັບໄຊຊະນະຈາກການເລືອກຕັ້ງ ໄດ້ບ່ອນນັ່ງໃນສະພາທັງໝົດ 880 ບ່ອນນັ່ງ ຊິ່ງກວມ 77.3% ຂອງຈຳນວນທັງໝົດ 1,139 ບ່ອນນັ່ງໃນສະພາ ທີ່ມີການເລືອກຕັ້ງ ເຮັດໃຫ້ພັກດັ່ງກ່າວ ມີສິດທີ່ຈະຈັດຕັ້ງລັດຖະບານພັກດຽວໄດ້ ຕາມລັດຖະທຳມະນູນ ແຫ່ງ ມຽນມາ.

ການປະຊຸມຄັ້ງປະຖົມມະລຶກຂອງສະພາ ຈະເປີດຂຶ້ນໃນເດືອນມັງກອນປີໜ້າ ໂດຍຈະມີການລົງມະຕິ ເລືອກຜູ້ດຳລົງຕຳແໜ່ງປະທານາທິບໍດີ ພາຍໃນເດືອນກຸມພາ ແລະ ຈັດຕັ້ງລັດຖະບານຊຸດໃໝ່ ພາຍໃນເດືອນມີນາ 2016.