ໂນເກຍ ເປີດຕົວສະມາດແຟບເລັດເຄື່ອງທຳອິດ ລຸ້ນລູເມຍ 1520 ອັດເທັກໂນໂລຊີຖ່າຍພາບ ໜ້າຈໍແບບຟູນເອດດີ HD 6 ນິ້ວ ພ້ອມຮັບຄວາມບັນເທິງ ແລະ ການເຮັດວຽກງານໃນເຄື່ອງດຽວ…
ໂນເກຍ ປະກາດວາງຈຳໜ່າຍ Nokia Lumia 1520 ສະມາດແຟບເລັດເຄື່ອງທຳອິດຂອງໂນເກຍ ໂດຍມາພ້ອມ Nokia Black ຊັອບແວ ລ່າສຸດສຳລັບວິນໂດວ ໂຟນ ຮອງຮັບການໃຊ້ງານເພື່ອຄວາມບັນເທິງ ແລະການເຮັດວຽກງານດ້ວຍໜ່ວຍປະມວນຜົນ Quad-Core Snapdragon ແລະ ໜ້າຈໍຟູນ ເອດດີ ຂະໜາດ 6 ນິ້ວ
ນອກຈາກນີ້ Nokia Lumia 1520 ຍັງມີນະວັດກຳການຖ່າຍພາບເພື່ອບອກເລົ່າ ແລະ ແບ່ງປັນດ້ວຍກ້ອງ PureView20 ລ້ານພິກເຊວ ແລະ ແທັກສະຖານທີ່ເທິງພາບຖ່າຍໄດ້ດ້ວຍ Nokia Storyteller ເຊິ່ງແອບພິເຄຊັ່ນດັ່ງກ່າວຈະຜະໜວກພາບຖ່າຍກັບຂໍ້ມູນເທິງແຜນທີ່ HERE ຕາມລຳດັບເວລາ ໂດຍສາມາດເລືອກ ປັບແກ້ ແລະ ເບິ່ງພາບຖ່າຍເປັນແບບສະໄລໂຊວ ລວມທັງຄັດກອງຮູບຖ່າຍ ແລະ ວິດີໂອຕາມສະຖານທີ່ໃນໄລຍະເວລາດຽວກັນ ທັງຍັງໃຫ້ໃສ່ຂໍ້ຄວາມສັ້ນໆ ໄດ້ອີກດ້ວຍ ພ້ອມກັນນີ້ກ້ອງຂອງ Lumia 1520 ຍັງມີເທັກໂນໂລຊີຫຼຸດການສັ່ນໄຫວ ຖ່າຍພາບໄດ້ແຈ້ງ ເຖິງວ່າໃນບ່ອນແສງນ້ອຍ ກໍໃຊ້ເທັກໂນໂລຊີ Oversampling ແລະ ລະບົບຊູມໃໝ່ແບບດຽວກັບ Lumia 1020 ໃຊ້ການບັນທຶກພາບພ້ອມສຽງຈາກ Nokia Rich Recording ລະບົບບັນທຶກສຽງທີ່ມີໄມໂຄໂຟນເຖິງ 4 ຕົວ ນອກຈາກນີ້ Nokia Lumia 1520 ຍັງເພີ່ມ tile ແຖວທີ່ສາມຕາມແນວຕັ້ງເພີ່ມຄວາມສະດວກໃນການເຂົ້າເຖິງ ແອັບພິເຄຊັ່ນ ແລະ ປະສົບການຕ່າງ ໆ ໃຊ້ງານງ່າຍ ແລະ ເຫັນໄດ້ແຈ້ງຂຶ້ນເທິງໜ້າຈໍທີ່ໃຫຍ່ກວ່າເກົ່າ.