ຝຣັ່ງປະກາດພາວະສຸກເສີນ ສັ່ງປິດຊາຍແດນ ຫຼັງຈາກທີ່ມີການໂຈມຕີຫຼາຍຈຸດ ໃນນະຄອນຫຼວງປາຣີສ ຕຳຫຼວດເຜີຍ ມີຜູ້ເສຍຊີວິດເກືອບ 149 ຄົນ.
ທັງນີ້ ມີລາຍງານວ່າທີ່ຫໍສະແດງດົນຕີ ມີຜູ້ເສຍຊີວິດບໍ່ຕ່ຳກວ່າ 100 ຄົນ ໂດຍຜູ້ກໍ່ເຫດໄດ້ໃຊ້ອາວຸດປືນ ແລະຈັບໂຕປະກັນ ກະທັ່ງຕໍ່ມາເຈົ້າໜ້າທີ່ຕຳຫຼວດບຸກເຂົ້າ ຊ່ວຍເຫຼືອໂຕປະກັນ ດ້ານເອເອຟພີ ລາຍງານວ່າ ເຈົ້າໜ້າທີ່ຕຳຫຼວດຍິງຜູ້ກໍ່ເຫດ ໃນອາຄານເສຍຊີວິດແລ້ວ 3 ລາຍ ແລະສື່ບາງສຳນັກລາຍງານວ່າ 4 ຄົນ ຜູ້ສື່ຂ່າວບີບີຊີລະບຸວ່າ ເຂົາເຫັນລົດກູ້ໄພແພດຈອດຢູ່ ມີຈຳນວນຫຼາຍຄັນ ຄາດວ່າຄາດວ່າຈະມີຜູ້ຕົກເປັນເຫຍື່ອ ຈຳນວນຫຼາຍຢູ່ພາຍໃນ.
ອີກຈຸດໜຶ່ງທີ່ມີຜູ້ເສຍຊີວິດຈຳນວນຫຼາຍຄື ຈຸດເກີດເຫດທີ່ໃກ້ກັບສະໜາມກິລາ ສະຕ໊າດເດີຟຣອງ ເຊິ່ງມີລາຍງານວ່າ ອາດຈະເປັນການໂຈມຕີແບບສະລະຊີບ
ອີກແຫ່ງໜຶ່ງທີ່ເປັນເປົ້າໝາຍໂຈມຕີ ຄື ຮ້ານອາຫານ Le Petit Cambodge ແລະLe Carrillon ໃນເຂດ 10 ເຊິ່ງມີນັກຂ່າວລາຍງານວ່າ ເຫັນຄົນນອນແຄມຖະໜົນປະມານ 10 ກວ່າຄົນ ອາດຈະເສຍຊີວິດຫຼືບໍ່ກໍບາດເຈັບ ຜູ້ເຫັນເຫດການກ່າວກັບ ໜັງສືພິມ La Belle Equipe ໃນເຂດ 11 ນອກຈາກນີ້ຍັງມີຜູ້ໄດ້ຍິນສຽງປືນ ດັງຂຶ້ນພ້ອມທີ່ສູນຊັບພະສິນຄ້າ Les Halles ທັງນີ້ ທາງດ້ານເຈົ້າໜ້າທີ່ໄດ້ນຳກຳລັງ ທະຫານອອກຮັກສາຄວາມປອດໄພ ທົ່ວເມືອງ ພ້ອມກັບຂໍໃຫ້ປະຊາຊົນ ຢູ່ແຕ່ພາຍໃນເຮືອນ.
ລາຍງານຂ່າວຈາກສື່ຝຣັ່ງກ່າວວ່າ ປະທານາທິບໍດີ ຟຣັງຊົວ ໂອນລອງ ໄດ້ອອກໂທລະພາບກ່າວວ່າ ນີ້ເປັນການໂຈມຕີແບບທີ່ບໍ່ເຄີຍ ເກີດຂຶ້ນມາກ່ອນໃນນະຄອນຫຼວງປາຣີສ ແລະໄດ້ຕັດສິນໃຈໃຫ້ມີການ ປະກາດພາວະສຸກເສີນ ເຊິ່ງໝາຍຄວາມວ່າ ຈະມີການປິດສະຖານທີ່ບາງແຫ່ງ ອາດຈະປິດການຈະລາຈອນ ແລະມີການຄົ້ນຫາ ເຊິ່ງອາດຈະມີການດຳເນີນການທົ່ວ ນະຄອນຫຼວງປາຣີສ ອີກປະການໜຶ່ງຄື ການປິດຊາຍແດນເພື່ອບໍ່ໃຫ້ມີ ຄົນເຂົ້າມາໂຈມຕີເພິ່ມ ແລະບໍ່ໃຫ້ຄົນທີ່ລົງມືແລ້ວໜີອອກນອກປະເທດ ເຂົາບອກວ່າ ໄດ້ຕັດສິນໃຈໃຊ້ກຳລັງທີ່ມີຢູ່ທັງໝົດ ເພື່ອຮັບມືບັນຫາການກໍ່ການຮ້າຍນີ້ ໂດຍຂໍໃຫ້ທະຫານເສີມກຳລັງ ແລະສະແດງຄວາມເສຍໃຈຕໍ່ຄອບຄົວ ຜູ້ເສຍຊີວິດແລະບາດເຈັບ ຈຳນວນຫຼວງຫຼາຍ.
ຂ່າວຫຼ້າສຸດ ປະທານາທິບໍດີຝຣັ່ງ ໄດ້ຍົກເລີກແຜນການເດິນທາງ ເຂົ້າຮ່ວມກອງປະຊຸມ G20 ແລ້ວ ເພື່ອຢູ່ແກ້ໄຂບັນຫາທີ່ເຄັ່ງຮ້ອນກ່ອນ.