ເປີດ​ຕົວ​ແອັບ YouTube Music ແອັບ ຟັງ​ເພງ​ຈາກ YouTube ຄ່າ​ບໍລິການ​ເດືອນ​ລະ $12.99

ເມື່ອ​ວັນທີ່ 12 ພະຈິກ ກູ​ເກີນ​ໄດ້​ເປີດ​ຕົວ​ແອັບ​ພິ​ເຄ​ຊັ່ນ YouTube Music ສຳລັບ​ໃຫ້​ປະສົບການ​ໃໝ່​ ໆ ໃນ​ການ​ຟັງ​ເພງ​ເທິງ YouTube ຊຶ່ງ​ຈະ​ເປັນ​ຊ່ອງ​ທາງ​ໃຫ້​ສິນລະ​ປິນ​ແລະ​ຄ້າຍ​ເພງ​ສາມາດ​ອັບ​ໂຫລດ​ເພງ​ແລະ​ມິວ​ສິ​ກວິ​ດີ​ໂອ​ໃຫ້​ແຟນ​ເພງ​ເຂົ້າ​ມາ​ຟັງ​ໄດ້ ໂດຍ​ຜູ້​ໃຊ້​ຈະ​ສາມາດ​ຄົ້ນ​ຫາ​ເພງ​ຕ່າງໆ ເທິງ YouTube ໄດ້​ສະ​ດວກ​ງ່ານ​ດາຍ​ກວ່າເກົ່າ ບໍ່​ວ່າ​ຈະ​ເປັນ​ການ​ຄົ້ນ​ຫາ​ດ້ວຍ​ຊື່​ເພງ, ສິນລະປິນ, ອາລະ​ບ້ຳ​ແລະ ອື່ນໆ ພ້ອມ​ທັງ​ແທັບ Home ທີ່​ຈະ​ແນະ​ນຳ​ເພງ​ເດັດໆ ໂດນໆ ຕາມ​ລົດສະ​ນິຍົມ​ການ​ຟັງ​ເພງ​ຂອງ​ຜູ້​ໃຊ້​ແຕ່​ລະ​ຄົນ

ນອກ​ຈາກ​ນີ້ YouTube Music ຍັງມີ​ບໍລິການ​ພິເສດ​ສຳລັບ​ສະມາຊິກ YouTube Red ທີ່​ສາມາດ​ຟັງ​ເພງ​ໄດ້​ໂດຍ​ບໍ່​ມີ​ໂຄສະ​ນາ​ກວນ​ໃຈ, ສາມາດ​ຟັງ​ເພງ​ແບບ​ອັອບໄລນ໌​ໄດ້, ເລືອ​ກສະຫ​ລັບ​ລະຫວ່າງ​ການ​ຫລິ້ນ​ວິ​ດີ​ໂອ​ຫລື​ຫລິ້ນ​ເພງ​ຢ່າງ​ດຽວ​ໄດ້ ແລະ​ສາມາດ​ຫລິ້ນ​ວິ​ດີ​ໂອ​ໄດ້​ແມ່ນ​ສະ​ຫລັບ​ໄປ​ໃຊ້​ງານ​ແອັບອື່ນ​ຫລື​ປິດ​ໜ້າ​ຈໍ

ທັງ​ນີ້​ແອັບ YouTube Music ໄດ້​ເປີດ​ໃຫ້​ດາວ​ໂຫລດ​ແລ້ວ​ທັງ​ເທິງ iOS ແລະ Android ສຳລັບ​ຜູ້​ໃຊ້​ໃນ​ສະ​ຫະລັດ​ອະ​ເໝ​ລິ​ກາ ໂດຍ​ມີ​ຄ່າ​ບໍລິການ​ເດືອນ​ລະ $12.99 ແຕ່​ສາມາດ​ທົດລອງ​ໃຊ້​ບໍລິການ​ໄດ້​ຟຣີ 14 ມື້