ຜົນວິໄຈເຜີຍ ການເລີກໃຊ້ເຟດສ໌ບຸກ ທຳໃຫ້ຄົນມີຄວາມສຸກຫລາຍຂຶ້ນ ມີສະມາທິເຮັດສິ່ງຕ່າງໆ ຫລາຍກວ່າເກົ່າ ເຟດສ໌ບຸກເຮັດໃຫ້ເກີດຄວາມຮູ້ສຶກອິດສາ
ເມື່ອວັນທີ່ 11 ພະຈິກ ເວັບໄຊຕ໌ sciencealert. com ໄດ້ເປີດເຜີຍຜົນການວິໄຈອາສາສະໝັກຊາວເດນມາກຈຳນວນຫລັກພັນຄົນ ຊຶ່ງມີຄົນຈຳນວນຄຶ່ງໜຶ່ງທີ່ໃຊ້ເຟດສ໌ບຸກຕາມປົກກະຕິ ສ່ວນອີກຄຶ່ງໜຶ່ງບໍ່ໄດ້ໃຊ້ເຟດສ໌ບຸກ ແຕ່ເອົາເວລາໄປເຮັດກິດຈະກຳອື່ນໆ ໂດຍຫລັງຈາກຜ່ານໄປ 1 ອາທິດພົບວ່າ 88% ຂອງຄົົນທີ່ເລີກໃຊ້ເຟດສ໌ບຸ໊ກ ຣູ້ສຶກມີຄວາມສຸກຫລາຍຂຶ້ນ ຊຶ່ງຫລາຍກວ່າຄົົນທີ່ຍັງໃຊ້ເຟດສ໌ບຸກຕາມປົກກະຕິທີ່ມີຄົນບອກວ່າຮູ້ສຶກມີຄວາມສຸກເປັນຈຳນວນ 81%
ສຳລັບສາເຫດທີ່ເຮັດໃຫ້ຄົນໃຊ້ເຟດສ໌ບຸກມີຄວາມສຸກໜ້ອຍກວ່ານັ້ນ ເນື່ອງມາຈາກຫລາຍຄົນມັກສົນໃຈວ່າຄົນອື່ນມີຫຍັງ ຫລາຍກວ່າທີ່ຈະສົນໃຈວ່າຕົວເອງຕ້ອງການຫຍັງ ຫລືອະທິບາຍກົງໆ ກໍຄືຮູ້ສຶກອິດສາເມື່ອເຫັນຊີວິດຄົນອື່ນມີຄວາມສຸກກວ່າ ຊຶ່ງຄົົນທີ່ບໍ່ໄດ້ໃຊ້ເຟດສ໌ບຸກຈະມີກຳລັງໃຈຫລາຍກວ່າ ຮູ້ສຶກເຫງົາແລະກັງວົນໜ້ອຍກວ່າ ເນື່ອງຈາກໄດ້ຫັນໄປໃຊ້ເວລາກັບຄອບຄົວແລະໝູ່ເພື່ອນ ໃນຊີວິດຈິງ ອີກທັງຍັງເຮັດໃຫ້ມີສະມາທິໃນການເຮັດສິ່ງຕ່າງໆ ຫລາຍຂຶ້ນອີກດ້ວຍ
ນອກຈາກນີ້ອາສາສະໝັກຈຳນວນໜຶ່ງຍັງບອກອີກວ່າ ການເລີກໃຊ້ເຟດສ໌ບຸກເຮັດໃຫ້ ພວກເຂົາເຮັດຫນ້າທີ່ອື່ນໆ ໄດ້ສຳເລັດວ່ອງໄວແລະມີປະສິດທິພາບຫລາຍກວ່າເກົ່າ ເພາະການທີ່ຈິດໃຈບໍ່ຕ້ອງໄປຢູ່ກັບເຟດສ໌ບຸກເຮັດໃຫ້ມີສະມາທິແລະຄວາມຕັ້ງໃຈຫລາຍຂຶ້ນ