ສຳນັກຂ່າວຕ່າງປະເທດ ລາຍງານໃນວັນທີ 12 ພະຈິກນີ້ວ່າ ກອງກຳລັງນັກຮົບຊາວເຄີດ ໃນປະເທດອີຣັກ ໄດ້ເປີດສາກບຸກໂຈມຕີ ກຸ່ມລັດອິດສະລາມ ຫລື ໄອເອັສ ຄັ້ງໃຫຍ່ໃນມື້ນີ້  (12 ພະຈິກ) ໃນເມືອງຊິນຈາ ເພື່ອປົດປ່ອຍເມືອງດັ່ງກ່າວ ຈາກການຍຶດຄອງຂອງກຸ່ມໄອເອັສ ທີ່ຍຶດຄອງເມືອງດັ່ງກ່າວ ຈາກລັດຖະບານອີຣັກ ໃນເດືອນສິງຫາ ປີ 2014 ຜ່ານມາ ໂດຍເມືອງດັ່ງກ່າວ ຕັ້ງຢູ່ເທິງເສັ້ນທາງລຳລຽງ ທີ່ສຳຄັນຂອງກຸ່ມໄອເອັສ ທີ່ເຊື່ອມຕໍ່ກັບປະເທດຊີຣີ ຊຶ່ງການຍຶດຄອງເມືອງດັ່ງກ່າວຄືນ ຈະເປັນການຕັດເສັ້ນທາງເຊື່ອມຕໍ່ ອັນຈະສົ່ງຜົນເສຍຫາຍສຳຄັນ ຕໍ່ຄວາມສາມາດຂອງກຸ່ມໄອເອັສ ໃນການເຄື່ອນທັບ ແລະ ລຳລຽງສະບຽງ ລະຫວ່າງດິນແດນທີ່ພວກເຂົາຍຶດຄອງຢູ່ ອີຣັກ ແລະ ຊີຣີ.