spot_img
Homeຂ່າວຕ່າງປະເທດການລ່ວງລ້ຳທະເລຈີນໃຕ້ຂອງ ສະຫະລັດ ບໍ່ເປັນຜົນດີຕໍ່ຕົນເອງ!

ການລ່ວງລ້ຳທະເລຈີນໃຕ້ຂອງ ສະຫະລັດ ບໍ່ເປັນຜົນດີຕໍ່ຕົນເອງ!

Published on

11220457_1687985014750847_96214017866158301_n

ສຳນັກຂ່າວຊິນຫົວຂອງຈີນລາຍງານວ່າ ມື້ວານນີ້ ວັນທີ 8 ພະຈິກ 2015 ທ່ານ ບຣູຊ ເຟນ ທະນາຍຄວາມ ທີ່ປຶກສາ ແລະນັກຂຽນຊາວສະຫະລັດ ໃຫ້ສຳພາດກັບສຳນັກຂ່າວຊິນຫົວວ່າ ການຊ້ອມຮົບຂອງກອງທັບເຮືອສະຫະລັດ ໃນເຂດທະເລຈີນໃຕ້ນັ້ນ ນອກຈາກຈະບໍ່ສ້າງປະໂຫຍດໃດໆ ກັບປະເທດແລ້ວ ຍັງເປັນການສິ້ນເປືອງເງິນງົບປະມານ ລວມທັງເພິ່ມຄວາມຕຶງຄຽດໃນພື້ນທີ່ອີກດ້ວຍ.

ທ່ານ ເຟນ ກ່າວວ່າ ເປັນຫຍັງເຮົາຈະຕ້ອງ ພະຍາຍາມຍຸແຫຍ່ໃຫ້ຈີນໃຈຮ້າຍ ດ້ວຍການຂະຫຍາຍແລະຄຸກຄາມ ທາງອຳນາດ ມັນເປັນການສົ່ງສັນຍານຜິດໆ ໃຫ້ກັບກຸ່ມປະເທດໃນອາຊີ.

ທ່ານກ່າວຢ່າງຂຶງຂັງວ່າ ຖ້າຖາມວ່າສະຫະລັດ ໄດ້ດຳເນີນການຈັ່ໃດແດ່ ເພື່ອບັນເທົາຄວາມຂັດແຍ້ງ ຂໍຕອບເລີຍວ່າ ບໍ່! ເຊິ່ງຜົນສຸດທ້າຍທີ່ຂ້າພະເຈົ້າວ່າ ເຮົາຕ້ອງການຄື ບໍ່ໃຫ້ເກີດເຫດການໃດໆ ໃນອາຊີຄືກັບເຂດຕາເວັນອອກກາງ.

ເມື່ອເດືອນກ່ອນ ເຮືອຮົບສະຫະລັດ USS Lassen ໄດ້ລ່ວງລ້ຳເຂົ້າພື້ນທີ່ 12 ໄມທະເລ ຂອງເກາະຈີນໃນທະເລຈີນໃຕ້ ເຊິ່ງສະຫະລັດອ້າງວ່າເປັນ ສິດເສລີພາບໃນການເດິນເຮືອ ທັ້ງໆທີ່ຈີນໄດ້ປະນາມພຶດຕິກຳ ທີ່ລະເມີດກົດໝາຍແລະປຸກປັ່ນແລ້ວ ແຕ່ທາງກອງທັບເຮືອສະຫະລັດ ກໍຍັງປະກາດວ່າມີແຜນຈະເດິນເຮືອ ລາດຕະເວັນໃນພື້ນທີ່ນັ້ນອີກຢູ່.

ສະຖານະການຫຼ້າສຸດໃນທະເລຈີນໃຕ້ນັ້ນ ກາຍເປັນ ໂຊກບໍ່ດີ ແກ່ຈີນ ແລະສະຫະລັດ ເພາະເປັນການສ້າງຄວາມຂັດແຍ້ງ ໃນຄວາມສຳພັນລະຫວ່າງກັນ.

ເຂົາຊີ້ເຖິງຄວາມຈິງວ່າ ທະເລຈີນໃຕ້ນັ້ນຢູ່ໃກກັບຈີນ ແລະຢູ່ໄກຈາກສະຫະລັດ ຫຼາຍພັນໄມ ດັ່ງນັ້ນ ການກະທຳຂອງຈີນໃນທະເລຈີນໃຕ້ ບໍ່ໄ້ເປັນການຄຸກຄາມ ອະທິປະໄຕຂອງສະຫະລັດແຕ່ຢ່າງໃດ. ທ່ານກ່າວວ່າ ຂ້າພະເຈົ້າຄິດວ່າ ທາງສະຫະລັດ ບໍ່ມີຄວາມກ່ຽວຂ້ອງໃດໆ ໃນທະເລຈີນໃຕ້ ແລະສະຫະລັດເອງກໍບໍ່ແມ່ນ ຕຳຫຼວດໂລກອີກ.

“ຄວາມຂັດແຍ້ງລະຫວ່າງຈີນ ແລະປະເທດເພື່ອນບ້ານນັ້ນ ພວກເຂົາຈະຕ້ອງແກ້ໄຂກັນເອງ ໃນຂະນະທີ່ສະຫະລັດ ກໍຄວນຈະເປັນກາງ ແກ່ທຸກຝ່າຍ ນອກຈາກນີ້ ເຮົາຄວນຈະກະຕຸ້ນ ເພື່ອໃຫ້ເກີດສັນຕິພາບໃນພື້ນທີ່ ໂດຍສະໜັບສະໜຸນສິດເສລີພາບ ໃນນ່ານນ້ຳ ບໍ່ແມ່ນໄປປຸກປັ່ນສະຖານະການ ຢູ່ບ່ອນຫັ້ນ”
12219453_1687985004750848_1640069635043736661_n

ທ່ານເຟນຍັງຊີ້ອີກວ່າ ແນ່ນອນວ່າບໍ່ແມ່ນເລື່ອງ ປະຊາຊົນຊາວສະຫະລັດ ທີ່ຕ້ອງການຜັກດັນໃຫ້ເກີດ ສະຖານະການຄວາມຂັດແຍ້ງ ທີ່ທະເລຈີນໃຕ້ໃນປັດຈຸບັນ. ທ່ານກວ່າວ່າ ຖ້າເວົ້າເຖິງປະຊາຊົນ ທີ່ໂຫວດໃນປະເດັນ ທະເລຈີນໃຕ້ນັ້ນ ສ່ວນຫຼາຍແລ້ວບໍ່ຮູ້ຊ້ຳວ່າ ທະເລຈີນໃຕ້ຢູ່ໃສກັນແທ້.

ເນື່ອງຈາກຈີນໄດ້ພັດທະນາປະເທດ ຈົນແຂງແກ່ນແລະລ້ຳລວຍ ລວມທັງມີການເພິ່ມງົບປະມານ ທາງການທະຫານນັ້ນ ຈຶ່ງເບິ່ງຄືວ່າ ເຮັດໃຫ້ບາງຄົນໃນສະຫະລັດ “ສ້າງຄວາມຢ້ານກົວຂຶ້ນມາເອງ ທັງທີ່ໃນຄວາມເປັນຈິງນັ້ນ ບໍ່ມີຫຍັງເລີຍ”

ທ່ານກ່າວຢ່າງເປັນຫ່ວງວ່າ ສະຫະລັດ ໄດ້ສ້າງຂໍ້ອ້າງຂຶ້ນມາເອງ ເພື່ອຈະໄດ້ມີການປະຕິບັດການ ທາງທະຫານໃນພື້ນທີ່ ເຊິ່ງລວມ ທັງທະເລຈີນຕາເວັນອອກ ເພື່ອທີ່ພວກເຂົາຈະໄດ້ດຳເນີນ ຍຸດທະສາດ “ປັບສົມດຸນອຳນາດໃນອາຊີ” (pivot to Asia) ລວມທັງສ້າງຄວາມຂັດແຍ້ງ ເຊິ່ງບໍ່ເຄີຍມີມາກ່ອນ ນີ້ຄືສິ່ງທີ່ສະຫະລັດເຮັດ ຈົນອາດຈະກາຍເປັນໄພແກ່ໂຕເອງ.

ທ່ານກ່າວຕື່ມວ່າ “ທ່ານບໍ່ສາມາດຮັກສາ ຄວາມສຳພັນລະຫວ່າງປະເທດໄດ້ ຖ້າຫາກວ່າທ່ານຍັງຄິດໄປເອງວ່າ ຈະຕ້ອງມີການປະຕິບັດທາງທະຫານ ເພື່ອປົກປ້ອງອຳນາດຂອງຕົນເອງ ແລະຍິ່ງໄປກວ່ານັ້ນ ປະເທດທີ່ຍິ່ງໃຫຍ່ບໍ່ຄວນຫາຄວາມດີ ຄວາມຊອບໂດຍການສະແດງວ່າ ແສນຍານຸພາບຂອງພວກເຂົາເໜືອກວ່າ ເທົ່າໃດ ແຕ່ຈະຕ້ອງສະແດງໃຫ້ເຫັນເຖິງ ການຄວບຄຸມຕົນເອງແລະການໃຊ້ອຳນາດ ຢ່າງມີຄວາມຮັບຜິດຊອບຕໍ່ສັງຄົມ ນັ້ນເອງ”.

ຂ່າວແລະພາບ: ສຳນັກຂ່າວຊິນຫົວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...