ວັນທີ 7 ພະຈິກ 2015 ວານນີ້ ຜູ້ນຳໄຕ້ຫວັນ ໄດ້ກ່າວກັບປະທານປະເທດຈີນສີຈິ້ນຜິງວ່າ ທັງສອງຝ່າຍຄວນເສີມສ້າງມະຕິ ຫຼັກການຈີນດຽວໃຫ້ແຂງແກ່ນ ແລະສ້າງການສະໜັບສະໜຸນໃນການ ຟື້ນຟູຊົນຊາດຈີນ
ນັບເປັນຄັ້ງທຳອິດຂອງປະຫວັດສາດ ໃນຮູບ 66 ປີ ທີ່ເກີດການປະຊຸມລະຫວ່າງ ຜູ້ນຳໃນປະເດັນຊ່ອງແຄບໄຕ້ຫວັນ ໝ່າອິງຈິ່ວ ໄດ້ກ່າວວ່າ ມະຕິຫຼັກການຈີນດຽວໃນປີ 1992 ນັ້ນ ເປັນຮາກຖານທາງການເມືອງ ສຳລັບການພັດທະນາຄວາມສະຫງົບສຸກ ໃນຄວາມສຳພັນຂ້າມຊ່ອງແຄບ ໃຫ້ກ້າວໜ້າຍິ່ງຂຶ້ນ.
ໝ່າແນະນຳວ່າ ທັງສອງຝ່າຍຄວນຈະ ຫຼຸດຜ່ອນຄວາມກຽດຊັງແລະແກ້ໄຂ ຂໍ້ພິພາດດ້ວຍສັນຕິວິທີ ຂະນະດຽວກັນກໍຂະຫຍາຍການແລກປ່ຽນ ຂ້າມຊ່ອງແຄບໃຫ້ບັນລຸຜົນລັບ ທີ່ີໄດ້ປະໂຫຍດທັງສອງຝ່າຍ.
ທັງທັງເສີມວ່າຈີນແລະໄຕ້ຫວັນ ຄວນສ້າງຂໍ້ຕົກລົງດ່ວນສຳລັບກໍລະນີ ສຸກເສີນ ແລະປະເດັນຕ່າງໆ ທີ່ສຳຄັນຮ່ວມກັນ.
ໝ່າກ່າວວ່າ ທັງສອງຝ່າຍຄວນໃຫ້ຄວາມຮ່ວມມື ແລະມຸ່ງໝັ້ນທີ່ຈະຟື້ນຟູຊົນຊາດຈີນຮ່ວມກັນ ໃນຖານະທີ່ເປັນລູກຫຼານຄົນຈີນຄືກັນ ທັງໝົດ.
“ຄວາມສຳພັນຂ້າມຊ່ອງແຄບນັ້ນ ມີຄວາມສະຫງົບສຸກແລະໝັ້ນຄົງທີ່ສຸດ ຕັ້ງແຕ່ປີ 1949 ” ທ່ານໝ່າຕັ້ງຂໍ້ສັງເກດ
ເຂົາໄດ້ອ້າງອິງເຖິງໄລຍະເວລາ 7 ປີ ທີ່ຜ່ານມາ ທັງສອງຝ່າຍໄດ້ຮ່ວມລົງນາມໃນຂໍ້ຕົກລົງ ຫຼາຍກວ່າ 23 ສະບັບ ມີຈຳນວນນັກຮຽນແລກປ່ຽນ ຂ້າມຊ່ອງແຄບຫຼາຍກວ່າ 40,000 ຄົນ ແລະມີນັກທ່ອງທ່ຽວຂ້າມຊ່ອງແຄບ ເປັນປະຈຳທຸກປີຫຼາຍກວ່າ 8 ລ້ານຄົນ ອີກທັງຍັງມີມູນຄ່າການຄ້າໃນແຕ່ລະປີ ຫຼາຍກວ່າ 1.7 ແສນລ້ານໂດລາສະຫະລັດ.