ການພົບປະຫາ­ລືກັນລະ­ຫວ່າງທ່ານ ຫງວ​ຽນ ຝູ ຈອງ ເລ­ຂາ­ທິ­ການພັກກອມມູ​ນິດຫວ​ຽດ​ນາມກັບທ່ານ ສີ ຈິ້ນຜິງ ປະທານປະເທດຂອງຈີນ ຊຶ່ງເດີນ­ທາງຢ້ຽມ­ຢາມຫວຽດ­ນາມຢ່າງເປັນທາງການ​ເປັນເວ­ລາ 2 ມື້ລະ­ຫວ່າງວັນທີ 5-6 ພະ­ຈິກ​ທີ່ຜ່ານມາ ຜູ້­ນຳທັງສອງຕົກ­ລົງທີ່ຈະຈຳ­ກັດຄວາມຂັດແຍ້ງ​ລະ­ຫວ່າງສອງປະເທດ ລວມ​ທັງຮັກ­ສາສັນ­ຕິ­ພາບ ແລະ ຄວາມໝັ້ນ­ຄົງ. ທະ­ຫານກອງກຽດ­ຕິ­ຍົດຫວຽດ­ນາມຍິງ​ປືນໃຫຍ່ 21 ນັດ ເພື່ອເປັນກຽດໃນພິ­ທີຕ້ອນ­ຮັບທ່ານ ສີຈິ້ນຜິງ ຊຶ່ງເປັນປະ­ທານປະເທດຈີນຄົນທຳອິດທີ່ຢ້ຽມ­ຢາມຫວຽດ­ນາມໃນຮອບ 10 ປີ ກ່ອນຜູ້­ນຳທັງສອງຈະເຂົ້າປະ­ຊຸມເປັນທາງການພາຍໃນສຳ­ນັກ­ງານພັກກອມມູ​ນິດຫວຽດ­ນາມ ໂດຍຜູ້­ນຳທັງສອງຕົກ­ລົງທີ່ຈະສົ່ງເສີມຄວາມສຳ­ພັນລະ​ຫວ່າງ​ສອງປະເທດລະ­ຫວ່າງພັກກອມມູ​ນິດຂອງທັງສອງຝ່າຍ.

ຊຶ່ງຜູ້­ນຳທັງສອງຝ່າຍໄດ້ຮ່ວມເປັນສັກຂີພະ­ຍານໃນການລົງນາມໃນຂໍ້ຕົກ­ລົງຄວາມຮ່ວມມື 12 ສະ­ບັບ​ຄວບຄຸມເຖິງຄວາມສຳ­ພັນລະ­ຫວ່າງພັກກອມມູ​ນິດຂອງສອງປະເທດ, ການລົງ­ທຶນ, ລະ­ບົບສາ​ທາ​ລະນູ​ປະໂພກ ພື້ນ­ຖານ, ວັດ­ທະ­ນາທຳ ແລະ ເງິນກູ້ຈຳ­ນວນ 200 ລ້ານໂດລາສະ­ຫະ­ລັດຈາກທະ­ນາ­ຄານພັດ­ທະ­ນາຈີນ(ຊີດີບີ)ໃຫ້ແກ່ທະນາ­ຄານເພື່ອການລົງ­ທຶນ ແລະ ການພັດ­ທະ­ນາຂອງຫວຽດ­ນາມ(ຕາມຂ່າວຕ່າງ​ປະເທດ).

ທີ່ມາ ເສຖະກິດ ສັງຄົມ