ທ່ານ ວະເລັກ ຊານເດີ ລູ​ກາເຊນໂກ ປະ­ທາ­ນາ­ທິ­ບໍ­ດີເບ​ລາ​ຣຸຍ​ຊີ ເຊັນລົງນາມໃນທ້າຍອາ­ທິດທີ່ຜ່ານມາ ສັ່ງໃຫ້ກຳ­ນົດໜ່ວຍຄ່າເງິນໃນສະ­ກຸນເງິນ​ຣູບ​ຂອງປະເທດ​ຄືນໃໝ່ ຊຶ່ງຈະເຮັດໃຫ້ທະ­ນະບັດໃບ​ລະ 10.000ຣູບ ຖືກແທນທີ່ດ້ວຍໃບລະ 1 ຣູບ ຕັ້ງແຕ່ເດືອນກໍ­ລະ­ກົດປີ­ໜ້າ, ຊຶ່ງຖະແຫຼງ​ການຂອງທະ­ນາ­ຄານກາງເບ​ລາ​ຣຸຍ​ຊີ​ລະ­ບຸວ່າ ຄວາມເຄື່ອນໄຫວເປັນເລື່ອງທາງເຕັກ­ນິກ ແລະ ຈະບໍ່ສົ່ງຜົນກະ­ທົບຕໍ່ມູນຄ່າຂອງເງິນ​ຣູເບິລ​ຫຼືຕໍ່ອັດ­ຕາແລກ­ປ່ຽນເງິນ­ຕາຕ່າງ​ປະເທດ, ເງິນ​ຣູບ​ເບລາ​ຣຸຍ​ຊີ​ຊຶ່ງປະ­ຈຸບັນມີອັດ­ຕາແລກ­ປ່ຽນ 17.500 ຣູເບິລ​ຕໍ່ 1 ໂດລາສະ­ຫະ­ລັດ ໄດ້ຮັບຜົນກະ­ທົບຢ່າງໜັກໃນໄລ­ຍະບໍ່ທໍ່ໃດປີທີ່ຜ່ານມາເຊັ່ນດຽວກັບເສດ­ຖະ­ກິດຂອງປະເທດທີ່ເປັນແບບລວມ​ສູນກາງ.

ປະ­ຊາ­ຊົນໃນເບ​ລາ​ຣຸຍ​ຊີ​ອາດຕ້ອງໃຊ້ເງິນຈຳ­ນວນຫຼາຍແສນ​ຣູບ​ສຳ­ລັບຄ່າໂດຍ­ສານແທັກຊີໄລ­ຍະສັ້ນຫຼືຄ່າອາ­ຫານພໍ­ປະ­ມານ 1 ຄາບ ທາງການເບລາ​ຣຸຍ​ຊີ​ຕ້ອງຫຼຸດຄ່າເງິນ​ຣູບ​ຂອງປະເທດຫຼາຍ​ຄັ້ງ ເພື່ອພະ­ຍາ​ຍາມ​ຈັດ ການກັບຜົນກະ­ທົບຈາກວິກິດເສດ­ຖະ­ກິດໃນ​ຣັດເຊຍ(ຕາມຂ່າວຕ່າງ​ປະເທດ).

ທີ່ມາ ນສພ ເສດຖະກິດ ສັງຄົມ