spot_img
Homeຂ່າວພາຍ​ໃນຜົ້ງສາລີ-ສປ.ຈີນ ເຊື່ອມຈອດເສັ້ນທາງ 1A

ຜົ້ງສາລີ-ສປ.ຈີນ ເຊື່ອມຈອດເສັ້ນທາງ 1A

Published on

ຜົ້ງສາລີ-ສປ.ຈີນ ເຊື່ອມຈອດເສັ້ນທາງ 1A

ວັນ​ທີ 30 ພະຈິກ 2013 ທີ່​ເມືອງ​ບຸນ​ເໝືອ ແຂວງ​ຜົ້ງ​ສາລີ ໄດ້​ຈັດ​ພິທີ​ວາງ​ສີ​ລາ​ລຶກ​ເປີດ​ການ​ກໍ່ສ້າງ​ເສັ້ນທາງ​ຢ່າງ​ເປັນ​ທາງ​ການ ຂອງ​ໂຄງການ​ກໍ່ສ້າງ​ທາງ 1A ບຸນ​ເໜືອ-ລານ​ຕູ້ຍ ແຂວງ​ຜົ້ງ​ສາລີ ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສົມ​ສະຫວາດ ເລັ່ງ​ສະ​ຫວັດ ຮອງ​ນາຍົກລັດຖະມົນຕີ ຜູ້​ຊີ້​ນຳ​ວຽກ​ງານ​ເສດຖະກິດ ແລະ ທ່ານ ຄຳ​ເຈນ ວົງ​ໂພ​ສີ ເຈົ້າແຂວງ​ຜົ້ງ​ສາລີ ທ່ານ ຟ່າງ​ຊີ​ຊາວ ອຳນວຍ​ການ​ໃຫຍ່ ກຸ່ມ​ບໍລິສັດ​ກໍ່ສ້າງ​ແຂວງ​ກວາງ​ຕູງ ແລະ ທ່ານ ເຊີນ​ລີ້​ມີງ ຫົວໜ້າ​ບໍລິສັດ​ກວາງ​ຕູງ​ວິສະວະກຳ​ກໍ່ສ້າງ​ໄຟຟ້າ​ນ້ຳຕົກ​ເລກ 3 ພ້ອມ​ດ້ວຍ​ແຂກ​ທີ່​ຖືກ​ເຊີນ​ເຂົ້າ​ຮ່ວມ.

ທ່ານ ອາ​ລຸນ ຄຸນ​ນະ​ວົງ ຫົວໜ້າ​ໂຄງການ​ທາງ 1A ບຸນ​ເໜືອ-ລານ​ຕູ້ຍ ໄດ້​ຂຶ້ນ​ລາຍ​ງານ​ກ່ຽວ​ກັບ​ໂຄງການ​ກໍ່ສ້າງ​ທາງ 1A ບຸນ​ເໜືອ-ລານ​ຕູ້ຍ ວ່າ: ເສັ້ນທາງ​ບຸນ​ເໜືອ-ລານ​ຕູ້ຍ ແຂວງ​ຜົ້ງ​ສາລີ ເປັນ​ເສັ້ນທາງ​ຫຼວງ​ແຫ່ງ​ຊາດ​ທີ່​ເປັນ​ບຸລິມະສິດ ແລະ ຍຸດ​ທະ​ສາດ​ອັນ​ສຳຄັນ​ຂອງ ​ສປປ ລາວ ເປັນ​ເສັ້ນທາງ​ທີ່ຢູ່​ພາກ​ເໜືອ​ສຸດ ມີ​ຄວາມ​ຍາວ​ປະມານ 142 ກິໂລແມັດ ໃນ​ນັ້ນ​ໄດ້​ຜ່ານ​ສອງ​ເມືອງ​ຄື: ເມືອງ​ບຸນ​ເໜືອ ແລະ ເມືອງ​ຍອດ​ອູ ເຊື່ອມ​ໃສ່​ຊາຍ​ແດນ ​ສປ.ຈີນ ຫຼັກ 7 ດ່ານ​ສາກົນ​ລານ​ຕູ້ຍ ແລະ ເຊື່ອມ​ຕໍ່​ເມືອງ​ຈຽງ​ເຊິນ ນະຄອນ​ພູ​ເອີ ແຂວງ​ຢູ​ນານ ​ສປ.ຈີນ ເປັນ​ເສັ້ນທາງ​ຮັບ​ໃຊ້​ແກ່​ການ​ຄົມມະນາຄົມ​ຂົນສົ່ງ ການ​ຄ້າຂາຍ ການ​ພັດທະນາ​ເສດຖະກິດ-ສັງຄົມ ການ​ລົງທຶນ ການ​ປ້ອງ​ກັນ​ຊາດ-ປ້ອງ​ກັນ​ຄວາມ​ສະຫງົບ.

ໂຄງການ​ກໍ່ສ້າງ​ທາງ​ດັ່ງກ່າວ ແມ່ນ​ລັດຖະບານ​ໄດ້​ຮັບ​ເງິນ​ກູ້​ຢືມ​ຈາກ ​ສປ.ຈີນ ຊຶ່ງ​ແມ່ນ​ກະຊວງ​ໂຍທາ​ທິ​ການ ແລະ ຂົນສົ່ງ​ເປັນ​ຜູ້​ຈັດ​ຕັ້ງ​ປະຕິບັດ ແລະ ໄດ້​ເຊັນ​ບົດ​ບັນທຶກ​ກັບ​ບໍລິສັດ​ກວາງ​ຕູງ​ວິສະວະກຳ​ກໍ່ສ້າງ​ໄຟຟ້າ​ນ້ຳຕົກ​ເລກ 3 ​ສປ.ຈີນ ເປັນ​ຜູ້​ສຳ​ຫຼວດ​ອອກ​ແບບ​ໃນ​ປີ 2009 ແລະ ໄດ້​ເຊັນ​ສັນຍາ​ກໍ່ສ້າງ​ໃນ​ປີ 2011 ແລະ ໃນ​ປີ 2013 ກະຊວງ​ການ​ເງິນ ໄດ້​ເຊັນ​ສັນຍາ​ເງິນ​ກູ້​ກັບ​ທະນາຄານ​ຂາ​ເຂົ້າ-ຂາ​ອອກ ​ສປ.ຈີນ ໂດຍ​ໂຄງການ​ກໍ່ສ້າງ​ນີ້ ໄດ້​ກຳນົດ​ເປັນ​ປະເພດ​ທາງ​ຊັ້ນ 3 ເຂດ​ພູ​ດອຍ ຄວາມ​ກວ້າງ​ໜ້າ​ທາງ​ຜ່ານ​ເທດສະບານ​ເມືອງ 16 ແມັດ ຄວາມ​ກວ້າງ​ໜ້າ​ທາງ​ເຂດ​ນອກ​ເມືອງ 7 ແມັດ ໜ້າ​ທາງ​ປູຢາງ 2 ຊັ້ນ ຄວາມ​ເນີນ​ຂວາງ​ໜ້າ​ທາງ 4% ຄວາມ​ເນີນ​ຍາວ ສູງ​ສຸດ 10,39% ຄວາມ​ໄວ​ອອກ​ແບບ 40-80 ກິໂລແມັດ​ຕໍ່​ຊົ່ວໂມງ ນ້ຳໜັກ​ຄິດໄລ່​ອອກ​ແບບ 11 ໂຕນ ຕໍ່​ເພົາ ແລະ ວຽກ​ຂົວ​ແມ່ນ​ນຳ​ໃຊ້​ຂົວ​ເກົ່າ ຕາມ​ເສັ້ນທາງ 1A ມີ 29 ແຫ່ງ ມູນ​ຄ່າ​ການ​ກໍ່ສ້າງ​ທັງ​ໝົດ 91.590.903 ໂດ​ລາ​ສະຫະລັດ ຫຼື ປະມານ 733 ຕື້​ກວ່າ​ກີບ ໂດຍ​ບໍລິສັດ​ກວາງ​ຕູງ​ວິສະວະກຳ​ກໍ່ສ້າງ​ໄຟຟ້າ​ນ້ຳຕົກ​ເລກ 3 ​ສປ.ຈີນ ເປັນ​ຜູ້​ຮັບ​ເໝົາ​ກໍ່ສ້າງ ແລະ ກຳນົດ​ເວລາ​ກໍ່ສ້າງ​ຕາມ​ສັນຍາ 54 ເດືອນ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...