ໂຣເຈີ ເຟເດີເຣີ ນັກເທນນີສມືອັນດັບ 2 ຂອງໂລກຊາວສະວິດເຊີແລນ ໂຊຟອມໄດ້ເກືອບສົມບູນແບບ ເອົາຊະນະ ອັນເດຣຽດສ໌ ເຊບປິ ຈາກອິຕາລີ ແບບຂາດລອຍ 2 ເຊັດລວດ 6-1 ແລະ 6-1 ເຂົ້າສູ່ຮອບ 3 ໃນການແຂ່ງຂັນ ເອທີພີ ທົວ “ປາຣີ ມາສເຕີ” ທີ່ປະເທດຝຣັ່ງ ເມື່ອວັນພຸດວັນທີ 4 ພະຈິກ 2015 ທີ່ຜ່ານມາ
ເຟເດີເຣີ ທີ່ຫາກໍ່ຄວ້າແຊ້ມໃນເມືອງບາເຊີລ ທ້າຍອາທິດທີ່ຜ່ານມາ ( 1 ພະຈິກ 2015 ) ຍັງຄົງຫຼີ້ນໄດ້ຢ່າງໂດດເດັ່ນເກັບຄະແນນຈາກເສີບຄັ້ງທຳອິດ 92% ປິດສາກເຊັດທຳອິດພຽງ 19 ນາທີ

ເກມໃນເຊັດທີ 2 ອັນເດຣຽດສ໌ ເຊບປິ ມືອັນດັບ 28 ຂອງໂລກ ປ່ຽນເບຣກພ໊ອຍທ໌ຈາກໂອກາດ 4 ຄັ້ງ ແຕ່ກໍ່ຍັງບໍ່ສຳເລັດເຮັດໃຫ້ ດເຟເດີເຣີ ຈັດການດ້ວຍລູກບອນເລ່, ເອົາຊະນະດ້ວຍເວລາພຽງ 47 ນາທີ ລໍຖ້າແຂ່ງຂັນກັບ ຈອນ ອິສເນີ ມືອັນດັບ 13 ຂອງລາຍກນຈາກອາເມຣິກາໃນນັດຕໍ່ໄປ

ແຊ້ມ ແກຣນ ສະແລມ 17 ສະໄໝກ່າວວ່າ: ມັນເປັັນສີ່ງທີ່ໜ້າຍິນດີຢ່າງຍີ່ງຖ້ານັດອື່ນໆເປັນແບບນັດນີ້ ແນ່ນອນຂ້ອຍມັກການແຂ່ງຂັນທີ່ດຸເດືອດແຂ່ງຂັນດົນ 2,3,4 ຫຼື 5 ຊົ່ວໂມງ ແຕ່ພຽງ 47 ນາທີມັນກໍ່ເປັນທີ່ໜ້າພໍໃຈຫຼາຍເພາະວ່າຕ້ອງມີສະມາທິຫຼາຍໃນເວລາສັ້ນໆ ເມື່ອຢູ່ໃນສະໜາມ ແລະ ບໍ່ຕີເສຍເອງ