ກອງປະຊຸມສະໄໝ ສາມັນຂອງສະພາມະຫາວິທະຍາໄລແຫ່ງຊາດ (ມຊ) ຄັ້ງທີ 26 ຊຸດທີ III ແລະ ກອງປະຊຸມຄັ້ງ ປະຖົມມະລືກຂອງສະພາ ມຊ ຊຸດທີ IV ໄດ້ໄຂຂຶ້ນເມື່ອວັນທີ 4 ພະຈິກນີ້, ທີ່ ມຊ ໂດຍພາຍໃຕ້ ການເປັນປະທານຂອງ ທ່ານ ສຈ.ປອ (ດຣ) ບຸນຕຽມ ພິດສະໄໝ ປະທານສະພາ ມຊ ຊຸດທີ III, ທ່ານ ສຈ.ປອ(ດຣ) ບໍ່ແສງຄຳ ວົງດາລາ ກຳມະການສູນກາງພັກ ລັດຖະມົນຕີວ່າ ການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທັງເປັນປະທານສະພາ ມຊ ຊຸດທີ IV ຊຶ່ງມີບັນດາຮອງປະທານສະພາ, ບັນດາທ່ານສະ ມາຊິກຄະນະກຳມະການສະ ພາ ມຊ ຊຸດທີ III ແລະ ຊຸດທີ IV ເຂົ້າຮ່ວມ.
ກອງປະຊຸມຄັ້ງນີ້ໄດ້ຮັບ ຟັງການລາຍງານການເຄື່ອນ ໄຫວໂດຍສັງລວມຂອງ ມຊ, ຮັບຟັງການລາຍງານການ ເຄື່ອນໄຫວດ້ານວຽກງານວິຊາ ການຂອງ ມຊ ໃນໄລຍະທີ່ຜ່ານ ມາໂດຍສັງເຂບ, ຮັບຟັງການ ລາຍງານສະພາບການຈັດຕັ້ງ ປະຕິບັດແຜນງົບປະມານ 2014-2015 ແລະ ຜ່ານແຜນ ງົບປະມານ 2015-2016 ຮັບ ຟັງການລາຍງານແຜນຍຸດທະ ສາດພັດທະນາການສຶກສາ 2016-2025, ແຜນພັດທະນາ 2016-2020 ແລະ ວິໄສທັດ ຮອດປີ 2030 ຂອງ ມຊ, ໄດ້ຮັບຟັງການຕີລາຄາຄືນການ ເຄື່ອນໄຫວຂອງ ສະພາມະວິທະຍາໄລແຫ່ງຊາດ ຊຸດທີ III ພ້ອມນັ້ນກໍໄດ້ດຳເນີນ ການ ມອບ -ຮັບໜ້າທີ່ລະຫວ່າງ ທ່ານ ສຈ. ປອ (ດຣ) ບຸນຕຽມ ພິດສະໄໝ ປະທານສະພາ ມຊ ຊຸດທີ III ແລະ ທ່ານ ສຈ.ປອ (ດຣ) ບໍ່ແສງຄຳ ວົງດາລາ ປະທານ ສະພາ ມຊ ຊຸດທີ IV, ພ້ອມ ນັ້ນສະພາມະຫາວິທະຍາໄລ ແຫ່ງຊາດຊຸດທີ IV ໄດ້ດຳເນີນ ກອງປະຊຸມຄັ້ງປະຖົມມະລຶກ ຂອງຕົນ.
ໃນພິທີ ທ່ານ ສຈ.ປອ (ດຣ) ບຸນຕຽມ ພິດສະໄໝ ປະ ທານສະພາ ມຊ ຊຸດທີ III ໄດ້ ຜ່ານບົດລາຍງານໂດຍສັງເຂບ ວ່າ: ຕະຫຼອດໄລຍະ 5 ປີຜ່ານ ມາສະມາຊິກສະພາ ມຊ ຊຸດທີ III ໄດ້ປະຕິບັດໜ້າທີ່ຂອງຕົນ ປະກອບສ່ວນເຄື່ອນໄຫວຕາມ ພາລະບົດບາດເປັນຕົ້ນໄດ້ພິ ຈາລະນາຄົ້ນຄວ້າຜ່ານ ແຜນ ຍຸດທະສາດ ມຊ ຜ່ານທຳມະ ນູນ ມຊ, ໄດ້ ປັບປຸງດຳ ລັດວ່າ ດ້ວຍຕຳແໜ່ງວິຊາການຄູ ສອນ ມຊ ແລະ ສະຖາບັນການ ສຶກສາຊັ້ນສູງຕ່າງໆ, ພິຈາລະ ນາສະເໜີແຕ່ງຕັ້ງຕຳແໜ່ງວິ ຊາການຄູສອນຂັ້ນສາດສະດາຈານ, ສາດສະດາຈານພິເສດ, ຂັ້ນຮອງສາດສະດາຈານ, ຂັ້ນອາຈານ, ຂັ້ນຜູ້ຊ່ວຍ ອາ ຈານ ແລະ ວຽກງານອື່ນໆເພື່ອ ປະກອບສ່ວນເຂົ້າໃນການພັດ ທະນາວຽກງານຂອງມະຫາວິ ທະຍາໄລແຫ່ງຊາດໃຫ້ມີບາດ ກ້າວຂະຫຍາຍ ຕົວຍິ່ງໆຂຶ້ນ.

ແຫລ່ງຂ່າວ: