ແນ່ນອນວ່າໂລກອອນໄລນ໌ ແລະ ເທກໂນໂລຍີມີການພັດທະນາໄປຢ່າງຕໍ່ເນື່ອງ ພໍ່ແມ່ຜູ້ປົກຄອງຫລາຍທ່ານກໍຍ່ອມເປັນຫ່ວງລູກຫລານເປັນທຳມະດາ ເພາະໂລກອອນໄລນ໌ ແລະ ເທກໂນໂລຍີ ບໍ່ໄດ້ມີແຕ່ດ້ານດີພຽງຢ່າງດຽວ
Disney ຈຶ່ງໄດ້ຮ່ວມມືກັບ Circle ຊຶ່ງ (Circle ຄື ຟັງຊັ່ນສຳລັບການຈັດການຄວາມສຳພັນຂອງແຕ່ລະບຸກຄົນຕ່າງໆກັບຕົວເຮົາ) Disney ແລະ Circle ໄດ້ ສ້າງແອັບໃໝ່ ທີ່ຈະມາເປັນຕົວຊ່ວຍໃຫ້ຜູ້ປົກຄອງສາມາດປ້ອງກັນລູກຫລານບໍ່ໃຫ້ເຂົ້າເຖິງເວັບໄຊຕ໌ໃນ ອິນເຕີລ໌ເນັດທີ່ເປັນອັນຕະລາຍຕໍ່ຕົວເດັກໄດ້ ບໍ່ວ່າຈະຢູ່ໃນເຮືອນ ຫລືນອກເຮືອນກໍຕາມ
Circle with Disney ຄື ເທກໂນໂລຍີໃໝ່ທີ່ກ່າວເຖິງ ໂດຍຈະຊ່ວຍໃຫ້ຜູ້ປົກຄອງສາມາດຄວບຄຸມເວລາຫລິ້ນອິນເຕີລ໌ເນັດ ແລະ ຈັດສັນເວັບໄຊຕ໌ທີ່ເດັກນ້ອຍສາມາດເຂົ້າໄປເບິ່ງໄດ້ ແລະ ທີ່ພິເສດເລີຍຄື ປຸ່ມທີ່ຢຸດການເຂົ້າເຖິງອິນເຕີລ໌ເນັດໄດ້ທັນທີ ຊຶ່ງຖ້າຫາກຜູ້ປົກຄອງກວດພົບວ່າເດັກນ້ອຍກຳລັງຈະເຂົ້າໄປສູ່ເວັບໄຊຕ໌ທີ່ບໍ່ປອດໄພ ຜູ້ປົກຄອງກໍສາມາດກົດປຸ່ມທີ່ວ່ານີ້ໄດ້ທັນທີ
ນອກຈາກນັ້ນຍັງມີປຸ່ມ Bed Time mode ທີ່ ອອກແບບມາເພື່ອໃຫ້ເຂົ້າກັບຕາລາງເວລານອນຂອງສະມາຊິກແຕ່ລ່ະຄົນ ໂດຍເມື່ອເຈົ້າຕັ້ງເວລາ ເຄື່ອງມືຈະຕັດການເຊື່ອມຕໍ່ອິນເຕີລ໌ເນັດສຳລັບສະມາຊິກຄົນນັ້ນໆ ຕາມເວລາທີ່ກຳນົດແລະເຊື່ອມຕໍ່ໃຫ້ໃໝ່ໃນຕອນເຊົ້າ
ແລະທີ່ສຸດຍອດເລີຍກໍ່ຄື ມັນຍັງສາມາດ block ads ແລະອອກໄອດີ (ID) ສຳລັບແຂກໃຫ້ທັນທີ ຫາກເຈົ້າມີໝູ່ມາໃຊ້ງານ ການຄວບຄຸມທັງໝົດຈະຢູ່ທີ່ແອັບ ລະບົບ IOS
Circle with Disney ວາງຂາຍແລ້ວມື້ນີ້ ລາຄາເລີ່ມຕົ້ນທີ່ 99 ດອນລາ ຢ່າງໃດກໍຕາມ ຊື່ The Circle ເບິ່ງຈະບໍ່ໜ້າໃຊ້ປານໃດເພາະມັນໄປຟ້ອງກັບນິຍາຍຂອງ Dave Eggers ຊື່ ດຽວກັນ ຊຶ່ງເວົ້າເຖິງບໍລິສັດທີ່ຄວບຄຸມການເຂົ້າເຖິງເທກໂນໂລຍີຂອງປະຊາຊົນຢ່າງເຂ້ມງວດ ງານນີ້ໃຜໃຊ້ສະມາດໂຟນທີ່ເປັນແອນດຣອຍກໍຄົງຕ້ອງລໍຖ້າກັນໄປກ່ອນ!! ແຕ່ທີ່ສຳຄັນມັນມີປະໂຫຍດສຳລັບຄອບຄົວທີ່ມີລູກຫລານແນ່ນອນ ປອດໄພໄວ້ກ່ອນ ກັນດີກວ່າແກ້