ເມື່ອ​ວັນທີ່ 3 ພະ​ຈິກ Microsoft ຜູ້​ພັດທະນາ​ລະບົບ​ປະຕິບັດ​ການ Windows ຊື່​ດັ່ງ ເປີດ​ຕົວ Arrow Launcher ຫລື​ແອັບ ປະ​ເພດ Launcher ສຳລັບ​ແຕ່ງ​ໜ້າ​ຈໍ​ມື​ຖື ແລະ ​ແທັບ​ເລັດ Android ໂດຍ​ຜູ້​ທີ່​ສົນ​ໃຈ ສາມາດ​ດາວໂຫລດ​ໄດ້​ທີ່ Google Play ໂດຍ​ບໍ່​ມີ​ຄ່າ​ໃຊ້​ຈ່າຍ​ແຕ່​ຢ່າງ​ໃດ
Arrow Launcher ເປັນ​ແອັບ​ພິ​ເຄ​ຊັ່ນ Launcher ຫລື​ໂປຣ​ແກຣມ​ຕົກ​ແຕ່ງ​ໜ້າ​ຈໍ​ເທິງ​ອຸປະກອນ Android ໂດຍ​ຜູ້​ພັດທະນາ​ໄດ້​ອອກ​ແບບ​ການ​ໃຊ້​ງານ​ເນັ້ນ​ຮຽບ​ງ່າຍ ໂດຍ​ມີ​ໜ້າ​ຫລັກ​ພຽງແຕ່ 3 ໜ້າເທົ່າ​ນັ້ນ ຊຶ່ງ​ຕ່າງ​ຈາກ​ແອັບ ໃນ​ປະ​ເພດ​ດຽວ​ກັນ ແລະ​ ແບ່ງ​ໂຊນ​ການ​ໃຊ້​ງານ​ໄວ້​ຢ່າງ​ຊັດເຈນ ເຊັ່ນ ໜ້າ​ແອັບ, ໜ້າ​ລາຍ​ຊື່​ຜູ້​ຕິດ​ຕໍ່ ແລະ ​ສິ່ງ​ທີ່​ເຈົ້າ​ໃຊ້​ງານ​ເລື້ອຍໆ ລວມ​ເຖິງ​ການ​ຈົດ​ບັນ​ທຶກ​ແຈ້ງ​ເຕືອນ​ຕ່າງໆ ເປັນ​ຕົ້ນ ບໍ່​ພຽງ​ເທົ່າ​ນີ້ ແອັບ  Arrow Launcher ຍັງ​ສາມາດ​ໃຫ້​ຜູ້​ໃຊ້​ງານ​ປັບ​ແຕ່ງ​ໜ້າ Setting ຂອງ​ແອັບໄດ້​ຕາມ​ຕ້ອງ​ການ​ອີກ​ດ້ວຍ ເອີ້ນໄດ້​ວ່າ​ໃຜ​ທີ່​ມັກ​ໃຊ້​ງານ​ແບບ​ຮຽບ​ງ່າຍ​ບໍ່​ຄວນ​ພາດ