spot_img
Homeຂ່າວຕ່າງປະເທດຈີນເຕືອນອີກ! ຫ້າມສະຫະລັດຯລ່ວງລ້ຳທະເລຈີນໃຕ້

ຈີນເຕືອນອີກ! ຫ້າມສະຫະລັດຯລ່ວງລ້ຳທະເລຈີນໃຕ້

Published on

ຫົວຊຸນຫຍິງ
ນາງຫົວ ຊຸນຫຍິງ ໂຄສົກກະຊວງການຕ່າງປະເທດຈີນ

ສຳນັກຂ່າວຊິນຫົວລາຍງານວ່າ ມື້ວັນທີ 2 ພະຈິກທີ່ຜ່ານມາ ນາງຫົວ ຊຸນຫຍິງ ໂຄສົກກະຊວງການຕ່າງປະເທດຈີນ ຖະແຫຼງການວ່າ “ເຮົາຂໍຢ້ຳບໍ່ໃຫ້ສະຫະລັດກະທຳການໃດໆ ທີ່ຄຸກຄາມຕໍ່ອະທິປະໄຕແລະຄວາມໝັ້ນຄົງ ຂອງຈີນໃນທະເລຈີນໃຕ້”.

ຫຼັງຈາກທີ່ທ່ານ ເບນ ໂຣດ ຮອງທີ່ປຶກສາ ດ້ານຄວາມໝັ້ນຄົງຂອງສະຫະລັດຯ ອອກມາປະກາດເມື່ອວັນຈັນທີ່ຜ່ານມາວ່າ ກອງທັບເຮືອສະຫະລັດຯມີແຜນທີ່ຈະ ລາດຕະເວນໃນທະເລຈີນໃຕ້ ເພື່ອຢ້ຳເຕືອນໃຫ້ຈີນແລະປະເທດອື່ນໆ ຮູ້ເຖິງສິດທິການເດິນເຮືອຂອງສະຫະລັດຯ ພາຍໃຕ້ກົດໝາຍລະຫວ່າງປະເທດ.

ນາງຫົວກ່າວວ່າ ຈີນເຄົາລົບແລະຄຸ້ມຄອງ ສິດທິເສລີພາບການເດິນເຮືອແລະການບິນ ຂອງປະເທດຕ່າງໆຕາມກົດໝາຍລະຫວ່າງປະເທດ ແຕ່ຈະຄັດຄ້ານການນຳເຫດຜົນນີ້ມາທຳລາຍ ອະທິປະໄຕແລະຄວາມໝັ້ນຄົງຂອງຈີນ.

ນາງກ່າວຢ້ຳວ່າ ຈີນນັ້ນຕັດສິນໃຈຢ່າງໜັກແໜ້ນ ທີ່ຈະຮັກສາອະທິປະໄຕໃນດິນແດນ ລວມທັງຄວາມໝັ້ນຄົງແລະຜົນປະໂຫຍດ ທາງທະເລອີກດ້ວຍ.

“ເຮົາຢືນຢັນທີ່ຈະມີການຕອບໂຕ້ຕໍ່ ການຍຸແຍ່ໂດຍເຈຕະນາຈາກປະເທດໃດກໍຕາມ” ພ້ອມກັບກ່າວວ່າຈີນຈະມີການຕິດຕາມ ສະຖານະການຢ່າງໃກ້ຊິດ.

ທັງນຮີ້ເຮືອຮົບຂອງສະຫະລັດຯ USS Lassen ທີ່ລ່ວງລ້ຳໃກ້ນ່ານນ້ຳ Zhubi Reef ເມື່ອອາທິດແລ້ວນັ້ນເປັນສ່ວນໜຶ່ງ ຂອງເກາະໜານຊາຂອງຈີນໃນທະເລຈີນໃຕ້  ໂດຍບໍ່ໄດ້ຮັບອະນຸຍາດຈາກລັດຖະບານຈີນກ່ອນ ຕໍ່ມາທາງຈີນນັ້ນໄດ້ມີການປະທ້ວງຢ່າງດຸເດືອດ ຕໍ່ສະຫະລັດອາເມລິກາ ອີກທັງຍັງສະແດງຄວາມບໍ່ພໍໃຈ ແລະຍຶດຫມັ້ນໃນຈຸດຢືນຂອງຈີນຕໍ່ໄປ.

ສຳນັກຂ່າວຊິນຫົວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...