ເຖິງວ່າຈະໄດ້ຊື່ວ່າເປັນຜູ້ຜະລິດສະມາດໂຟນລາຍໃຫຍ່ທີ່ສຸດໃນໂລກ ແຕ່ໃນໄຕມາດຫລັງພວກເຂົາກັບມີຜົນກຳໄລໃນພະແນກມືຖືບໍ່ໜ້າພໍໃຈ ລວມທັງຍັງຕ້ອງພົບກັບຄູ່ແຂ່ງມືຖື Android ຫລາຍໜ້າຫລາຍຕາທີ່ມາປະຊັນກັນດ້ວຍລາຄາທີ່ນັບມື້ຈະຖືກລົງເລື້ອຍໆ ຈົນເຮັດໃຫ້ສ່ວນແບ່ງຕະຫລາດ Samsung ກໍຫລຸດນ້ອຍໄປດ້ວຍເຊັ່ນກັນ
ມີລາຍງານຈາກ Ben Bajarin ນັກວິເຄາະຈາກບໍລິສັດວິໄຈ Creative Strategies ອອກມາຢືນຢັນວ່າມີຄວາມເປັນໄປໄດ້ສູງທີ່ Samsung ຈະຫລຸດວົງໂຄຈອນຂອງຕະຫລາດສະມາດໂຟນພາຍໃນ 5 ປີຂ້າງໜ້າ ໂດຍພວກເຂົາລະບຸວ່ານອກຈາກ Apple ທີ່ມີສ່ວນແບ່ງຕະຫລາດເຕີບໃຫ່ຍ ແລະ ຍອດຂາຍດີຢ່າງໜ້າຢ້ານຕະຫລອດຫລາຍປີຈົນເຮັດໃຫ້ຜູ້ ໃຊ້ Android ເລີ່ມຫັນໄປໃຊ້ງານ iOS ຫລາຍຂຶ້ນແລ້ວ ທາງ Samsung ເອງກັບເລີ່ມປະສົບບັນຫາກັບສະຖານະ ໃນຕະຫລາດມືຖືທີ່ຕ້ອງຮັບມື ກັບກຸ່ມຜູ້ແຂ່ງລາຍອື່ນທີ່ຮຽນແບບເທກໂນໂລຍີແລະສະເປກດ້ວຍກົນລະຍຸດການຂາຍໃນລາຄາຖືກ ໂດຍສະເພາະການແຂ່ງຂັນໃນກຸ່ມມືຖືລາຄາ 1.500.000 ກີບ ເຮັດໃຫ້ມືຖືທີ່ເຮັດອອກມານັ້ນໄດ້ຮັບຜົນກະທົບໄປຢ່າງຫລີກບໍ່ໄດ້
ທັງນີ້ ມີລາຍງານຈາກ Wall Street Journal ລະບຸວ່າ 38% ຂອງຍອດຂາຍມືຖືຈຳນວນ 84 ລ້ານເຄື່ອງໃນໄຕມາດທີ່ຜ່ານມາຂອງ Samsung ນັ້ນ ເປັນມືຖືກຸ່ມລາຄາຕ່ຳກວ່າ 8,000 ຊຶ່ງເປັນຕົວເລກທີ່ເພີ່ມຫລາຍຂຶ້ນຈາກປີທີ່ແລ້ວ 8% ໂດຍ Samsung ນັ້ນຖືເປັນຜູ້ລິເລີ່ມບຸກເບີກນະວັດຕະກຳຫລວງຫລາຍໃນແວດວົງມືຖື Android ແຕ່ກັບປະສົບບັນຫາຈາກການຖືກລອກຮຽນແບບແລະນຳມາດັດແປງເຂົ້າກັບແບຣນມືຖື ເຈົ້າອື່ນໆ ໃນຕະຫລາດມືຖື Android ຊຶ່ງໃນທາງກົງກັນຂ້າມ ບັນຫາເຫລົ່ານີ້ບໍ່ສົ່ງຜົນກັບ Apple ເທົ່າໃດ (ແມ່ນຈະມີເຄດຂອງ Xiaomi ຫລື HTC) ເຮັດໃຫ້ມູນຄ່າຂອງການຄິດຄົ້ນເທກໂນໂລຍີໃໝ່ໆ ເທິງສະມາດໂຟນລະດັບ Samsung ນັ້ນເກືອບບໍ່ມີຄວາມຫມາຍເທົ່າໃດ ນັ້ນໝາຍຄວາມວ່ານອກຈາກ Samsung ແລ້ວ ບັນດາແບຣນມືຖື Android ເຈົ້າອື່ນໆ ກໍອາດຕ້ອງເຮັດວຽກບ້ານຢ່າງໜັກທີ່ຈະແຂ່ງຂັນກັນ