ຂປລ. ເມື່ອທ້າຍເດືອນຕຸລາຜ່ານມາ, ພະແນກອຸດສາຫະກຳ ແລະ ການຄ້າແຂວງຄຳມ່ວນ ຮ່ວມກັບ ພະແນກສາທາລະນະສຸກ (ຂະ ແໜງອາຫານ ແລະ ຢາ) ໄດ້ເຄື່ອນໄຫວກວດກາສິນຄ້າທີ່ບໍ່ໄດ້ມາດຕະຖານ, ໝົດອາຍຸ, ນໍາເຂົ້າບໍ່ຖືກຕ້ອງ ແລະ ກວດກາຊິງຊັ່ງ ເພື່ອເຮັດໃຫ້ຜູ້ບໍລິໂພກມີຄວາມປອດໄພ ແລະ ຜູ້ປະກອບການໃຫ້ຫັນເຂົ້າສູ່ລະບຽບ, ມີຄວາມຮັບຜິດຊອບສູງຕໍ່ຜະລິດຕະພັນຂອງຕົນ.
ຜ່ານການກວດກາຕົວຈິງຈໍານວນ 51 ຫົວໜ່ວຍ, ສາມາດກວດພົບ ແລະ ຢຶດສິນຄ້າໝົດອາຍຸບໍລິໂພກ ຈໍານວນ 5 ລາຍການ ເຊັ່ນ: ນໍ້າຫວານແຟນຕ້າ, ແປັບຊີ, ກາເຟໂອລິບ, ດີໂດ້ ແລະ ອາຫານເສີມ ລວມມູນຄ່າທັງໝົດ 1,3 ລ້ານກີບ. ຢຶດສິນຄ້າໝົດອາຍຸການນໍາໃຊ້ ຈໍານວນ 5 ລາຍການ ເຊັ່ນ: ໂລອອນ, ໂຟມລ້າງໜ້າ, ໂລຊັນທາຜິວ, ນໍ້າມັນທາຜົມ ແລະ ສະບູ່ ລວມມູນຄ່າປະມານ 1,5 ລ້ານກີບ, ສິນຄ້າທີ່ຫ້າມຈໍາໜ່າຍ ປະເພດມີດ (ສະປາຕ້າ) ຈໍານວນ 13 ດວງ; ຢຶດຊິງຊັ່ງທີ່ບໍ່ໄດ້ມາດຕະຖານ (ຊິງອອ່ນ) ໄດ້ທັງໝົດ 4 ໜ່ວຍ.
ສຳລັບເຈົ້າຂອງສິນຄ້າ ຫລື ຜູ້ປະກອບທຸລະກິດ, ທີມງານເຈົ້າໜ້າທີ່ໄດ້ສ້າງບົດບັນທຶກໄວ້ເພື່ອເປັນຫລັກຖານ ແລະ ເປັນການຮັບຮູ້ທັງສອງຝ່າຍ, ພ້ອມທັງຢຶດເອົາສິນຄ້າ ຫລື ເຄື່ອງມືການວັດແທກເອົາໄວ້ເພື່ອລໍຖ້າດໍາເນີນ ຕາມລະບຽບການ.
ແຫລ່ງຂ່າວ:
