ເລີ່ມມີກະແສຂ່າວອອກມາຢ່າງຕໍ່ເນື່ອງ ສຳລັບ Samsung Galaxy S7 ທີ່ຫລ້າສຸດມີລາຍງານເຖິງຄວາມເປັນໄປໄດ້ຂອງການນຳກ້ອງ 20 ລ້ານພິກເຊລ ພ້ອມເຊນເຊີລ໌ ISOCELL ມາໃຊ້ເພື່ອການຖ່າຍພາບຄວາມລະອຽດທີ່ສູງຂຶ້ນຈາກ 16 ລ້ານພິກເຊລ ແລະໃນຂະນະດຽວກັນນີ້ເອງຍັງມີຂໍ້ມູນເພີ່ມເຕີມວ່າເຊນເຊີລ໌ການຖ່າຍພາບທີ່ໃຊ້ກັບ Sony Xperia Z5 ທາງ Samsung ສົນໃຈນຳມາໃຊ້ກັບ Galaxy S7 ອີກດ້ວຍ
ດ້ວຍເຊນເຊີລ໌ Sony IMX300 ສຳລັບການຖ່າຍພາບຕົວໃໝ່ ຖືກນຳມາໃຊ້ກັບ Sony Xperia Z5 ໄດ້ສ້າງຄວາມປະທັບໃຈໃຫ້ກັບບໍລິສັດຜູ້ພັດທະນາຊອບແວລ໌ປະມວນຜົນພາບ ຢ່າງ DxoMark ຈົນຖືກຍົກໃຫ້ເປັນສະມາດໂຟນທີ່ມີກ້ອງທີ່ສຸດຂອງປີ 2015 ແລະຍັງສ້າງຄວາມປະທັບໃຈໃຫ້ກັບ Samsung ຈົນກໍ່ໃຫ້ເກີດກະແສຂ່າວວ່າແບຣນດັງຈາກເກົາຫລີໃຕ້ ກຳລັງລຸກຂື້ນເຈລະຈາກັບ Sony ຂໍໃຊ້ເຊນເຊີລ໌ດັ່ງກ່າວ ເພື່ອນຳມາເປັນສ່ວນປະກອບສຳຄັນໃນການຖ່າຍພາບຂອງ Samsung Galaxy S7
ກະແສຂ່າວຍັງລະບຸເພີ່ມເຕີມວ່າທາງ Samasung ກຳລັງພິຈາລະນາວ່າຈະໃຊ້ເຊນເຊີລ໌ຂອງ Sony ກັບເຊນເຊີລ໌ ISOCELL ສະຫລັບກັນ ຫລືຈະແບ່ງ Samsung Galaxy S7 ອອກເປັນຫລາຍລຸ້ນ ແລ້ວແຕ່ພູມິພາກທີ່ເຮັດຕະຫລາດ
ດ້ວຍຄຸນນະພາບທີ່ດີເລີດຂອງກ້ອງ Sony Xperia Z5 ຢ່າງເຊັ່ນ ໂຟກັດອັດຕະໂນມັດແບບໄຮບີດທີ່ວ່ອງໄວແລະຖືກຕ້ອງ 0.03 ວິນາທີ ພ້ອມຄວາມຄົມແຈ້ງທີ່ດີໃນຄາວດຽວ ເຮັດໃຫ້ເວັບໄຊຕ໌ໃນຕ່າງປະເທດຢ່າງ independent ແລະ pocket-lint ສະໜັບສະໜູນວ່ານີ້ຄືສະມາດໂຟນທີ່ມີກ້ອງດີທີ່ສຸດຂອງປີ 2015 ເຊັ່ນດຽວກັບ DxoMark