ເຮືອບິນໂດຍສານຂະໜາດໃຫຍ່ ລຸ່ນ C919 ທີ່ປະກອບໂດຍປະເທດຈີນເປັນລຸ່ນທຳອິດ ໄດ້ເປີດໂຕໃນສາຍການປະກອບຂັ້ນສຸດທ້າຍ ໃນເມືອງຊ່ຽງໄຮ້ແລ້ວ ມື້ນີ້ (2 ພະຈິກ 2015).

ເຮືອບິນລຸ່ນນີ້ຖືກອອກແບບໃຫ້ມີ 158 ບ່ອນນັ່ງ ແລະມີໄລຍະບິນມາຕະຖານ 4,075 ກິໂລແມັດ ໄດ້ຮັບການພັດທະນາໂດຍ ບໍລິສັດ ຜະລິດເຮືອບິນເພື່ອການຄ້າຂອງຈີນ (COMAC).

ເຮືອບິນ C919 ມີກຳໜົດອອກບິນຄັ້ງທຳອິດ ໃນປີໜ້າ ຈາກນັ້ນຈະເລິ່ມຕົ້ນການທົດສອບບິນອີກປະມານ 3 ປີ ກ່ອນຈະຖືກນຳໄປໃຊ້ໃນທາງການຄ້າ.

COMAC ປະກາດວ່າ ຂະນະນີ້ບໍລິສັດ ໄດ້ຮັບການສັ່ງຊື້ແລ້ວ ຈຳນວນ 517 ລາຍການ ຈາກລູກຄ້າ 21 ປະເທດ ລວມທັງພາຍໃນປະເທດຈີນເອງ.