ສຳນັກຂ່າວຊິນຫົວຂອງຈີນລາຍງານວ່າ ມື້ວານນີ້ ສຳນັກຂ່າວ MENA ລາຍງານວ່າ ເຫດເຮືອບິນຣັດເຊຍ ທີ່ມີຜູ້ໂດຍສານແລະຈຸບິນລວມ 224 ຄົນ ຕົກໃນເຂດແຫຼມໄຊນາຍ ເມື່ອວັນເສົາທີ່ຜ່ານມາ. ຈາກການສືບສວນເບື້ອງຕົ້ນພົບວ່າ ຍັງບໍ່ມີພະຍານຜູ້ເຫັນເຫດການ ດັ່ງນັ້ນ ຄລິບວິດີໂອເຫດການທີ່ຖືກໂພສລົງ ອິນເຕີເນັດນັ້ນ ບໍ່ແມ່ນພາບເຫດການຈິງ.
ລັດຖະບານອີຢິບກ່າວວ່າ ຕ້ອງຂະຫຍາຍພື້ນທີ່ການສອບສວນ ຫຼັງຈາກພົບສົບຜູ້ເສຍຊີວິດກະຈາຍ ໃນລັດສະໝີ 8 ກິໂລແມັດ ເວົ້າໄດ້ວ່າເຮືອບິນໄດ້ແຕກກະຈາຍ ຢູ່ໃນລະດັບສູງກ່ອນຈະຕົກລົງສູ່ພື້ນດິນ.
ທັງນີ້ ກຸ່ມກຳລັງທີ່ເຂົ້າຮ່ວມກັບກຸ່ມໄອເອັສ ໄດ້ອອກມາສະແດງຄວາມຮັບຜິດຊອບ ຕໍເຫດການເຄື່ອງບິນຕົກຄັ້ງນີ້ ແຕ່ຍັງບໍ່ມີການກວດສອບຢ່າງຄັກແນ່.
ນາຍົກລັດຖະມົນຕີອີຢິບ ທ່ນເຊຣິຟ ອິສມາອິລ ກ່າວເມື່ອວັນເສົາທີ່ຜ່ານມາວ່າ ນັກວິຊາການໄດ້ຢືນຢັນວ່າ ເຮືອບິນມີລະບົບປະຕິບັດການທີ່ດີ ດັ່ງນັ້ນ ຈຶ່ງບໍ່ນ່າຈະຕົກງ່າຍໆ ແລະເຂົາເຊື່ອວ່າຕ້ອງມີເຫດການ ບໍ່ປົກກະຕິ ຢູ່ເບື້ອງຫຼັງ.
