spot_img
Homeຂ່າວພາຍ​ໃນສປປ ລາວ ມີຄວາມພ້ອມຈັດກອງປະຊຸມ ລັດຖະມົນຕີກີລາອາຊຽນ ຄັ້ງທີ 2

ສປປ ລາວ ມີຄວາມພ້ອມຈັດກອງປະຊຸມ ລັດຖະມົນຕີກີລາອາຊຽນ ຄັ້ງທີ 2

Published on

ສປປ ລາວ ມີຄວາມພ້ອມຈັດກອງປະຊຸມ ລັດຖະມົນຕີກີລາອາຊຽນ ຄັ້ງທີ 2

ພິທີ​ຖະແຫຼງ​ຂ່າວ ໃນ​ການ​ກະກຽມ​ຄວາມ​ພ້ອມ​ຈັດ​ກອງ​ປະຊຸມ​ລັດຖະມົນຕີ​ກີລາ​ອາ​ຊຽນ ຄັ້ງ​ທີ 2 ທີ່ ​ສປປ ລາວ ໄດ້​ຮັບ​ກຽດ​ເປັນ​ເຈົ້າພາບ ຈັດ​ຂຶ້ນ​ວັນ​ທີ 28 ພະຈິກ 2013 ທີ່​ກະຊວງ​ສຶກ​ສາ​ທິ​ການ ແລະ ກີລາ (​ສສກ) ໂດຍ​ມີ​ທ່ານ ​ຮຈ.​ດຣ. ສີ​ສະໝອນ ສິດທິ​ລາດ​ວົງສາ ຫົວໜ້າ​ຫ້ອງການ​ກະຊວງ ​ສສກ ທັງ​ເປັນ​ຫົວໜ້າ​ກອງ​ເລຂາ​ເນື້ອ​ໃນ​ປະສານ​ງານ ກອງ​ປະຊຸມ​ລັດຖະມົນຕີ​ກີລາ​ອາ​ຊຽນ ຄັ້ງ​ທີ 2 ແລະ ທ່ານ ​ດຣ. ສຸດ​ຖະໜອມ ອິນ​ທະ​ວົງ ຮອງ​ຫົວໜ້າ​ຫ້ອງການ​ຄະນະ​ກຳມະການ​ໂອ​ແລມ​ປິກ​ລາວ ທັງ​ເປັນ​ຮອງ​ຫົວໜ້າ​ກອງ​ເລຂາ​ເນື້ອ​ໃນ​ປະສານ​ງານ ກອງ​ປະຊຸມ​ລັດຖະມົນຕີ​ກີລາ​ອາ​ຊຽນ ຄັ້ງ​ທີ 2 ແລະ ສື່​ມວນ​ຊົນ ເຂົ້າ​ຮ່ວມ.

ທ່ານ ​ຮຈ.​ດຣ. ສີ​ສະໝອນ ສິດທິ​ລາດ​ວົງສາ ກ່າວ​ວ່າ: ມື້ນີ້ ກະຊວງ ​ສສກ ກໍ​ຄື​ຄະນະ​ກະກຽມ​ຈັດ​ກອງ​ປະຊຸມ​ລັດຖະມົນຕີ​ກີລາ​ອາ​ຊຽນ ຄັ້ງ​ທີ 2 ຂອງ​ກະຊວງ ​ສສກ ກໍ​ຄື​ຂອງ ​ສປປ ລາວ ມີ​ຄວາມ​ພາກພູມ​ໃຈ​ທີ່​ສຸດ ທີ່​ໄດ້​ຮັບ​ກຽດ​ເປັນ​ເຈົ້າພາບ​ຈັດ​ກອງ​ປະຊຸມ​ດັ່ງກ່າວ ຊຶ່ງ​ຈະ​ໄດ້​ຈັດ​ຂຶ້ນ​ໃນ​ລະຫວ່າງ​ວັນ​ທີ 3-5 ທັນວາ 2013 ທີ່​ໂຮງແຮມ​ດອນ​ຈັນ​ພາ​ເລດ ນະຄອນຫຼວງ​ວຽງ​ຈັນ ຕໍ່​ການ​ຈັດ​ກອງ​ປະຊຸມ​ດັ່ງກ່າວ ພວກ​ເຮົາ​ໃນ​ຖານະ​ເປັນ​ຄະນະ​ຮັບຜິດຊອບ ກໍ​ໄດ້​ມີ​ການ​ກະກຽມ​ໃຫ້​ແກ່​ການ​ເປັນ​ເຈົ້າພາບ​ທີ່​ດີ ໂດຍ​ສະເພາະ ສະຖານທີ່​ຈັດ​ກອງ​ປະຊຸມ​ທີ່​ພັກ​ຂອງ​ຜູ້​ແທນ ແລະ ແຂກ​ເຂົ້າ​ຮ່ວມ ການ​ຫ້າງ​ຫາ​ກະກຽມ​ທາງ​ດ້ານ​ການ​ປະສານ​ງານ​ກັບ​ຜູ້​ແທນ​ດ້ານ​ພິທີການ-ຕ້ອນຮັບ ດ້ານ​ປ້ອງ​ກັນ​ຄວາມ​ສະຫງົບ ດ້ານ​ການ​ຂົນສົ່ງ ການ​ແພດ ສື່​ມວນ​ຊົນ ແລະ ການສະແດງ​ໃນ​ພິທີ​ງານ​ລ້ຽງ​ຕ້ອນຮັບ ແມ່ນ​ມີ​ຄວາມ​ພ້ອມ​ເປັນ​ທີ່​ຮຽບ​ຮ້ອຍ​ແລ້ວ ແລະ ມາ​ຮອດ​ນີ້ ຄະນະ​ຮັບຜິດຊອບ​ກອງ​ປະຊຸມ​ຂໍ​ຢັ້ງຢືນ ແລະ ຮັບປະກັນ​ວ່າ​ກອງ​ປະຊຸມ​ລັດຖະມົນຕີ​ກີລາ​ອາ​ຊຽນ ຄັ້ງ​ທີ 2 ທີ່ ​ສປປ ລາວ ເປັນ​ເຈົ້າພາບ ຈະ​ສາມາດ​ເປີດ​ຂຶ້ນ ແລະ ປິດ​ລົງ ດ້ວຍ​ຜົນສຳເລັດ​ຢ່າງ​ສະຫງ່າ​ງາມ.

ທີ່ມາhttp://www.vientianemai.net

ບົດຄວາມຫຼ້າສຸດ

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...