ທາງການອີຢິບຢືນຢັນ ລາຍງານເຮືອບນິນໂດຍສານ ຂອງຣັດເຊຍ ເຊິ່ງມີຜູ້ໂດຍສານຫຼາຍກວ່າ 200 ຄົນ ຕົກລົງທາງຕອນກາງແຫຼມໄຊນາຍ ຂອງອີຢິບ.
ວັນທີ 31 ຕຸລາ 2015 ວານນນີ້ ສຳນັກຂ່າວມີນາຂອງອີຢິບ ລາຍງານວ່າ ເຮືອບິນໂດຍສານລຸ້ນ ແອບັສ A-321 ຂອງສາຍການບິນ ໂຄກາລຶມ ອາເວຍ ຂອງຣັດເຊຍ ມີຜູ້ໂດຍສານ 217 ຄົນ ແລະຈຸບິນອີກ 7 ຄົນ ຕົກລົງບໍລິເວນຕອນກາງຂອງແຫຼມ ໄຊນາຍ ຂອງອີຢິບ ເມື່ອເວລາ 5:51 ນາທີ ຕາມເວລາທ້ອງຖິ່ນ ໂດຍເຮືອບິນລຳດັ່ງກ່າວ ຫາຍຈາກໄປຈາກຈໍຣາດ້າ ໃນເວລາ 23 ນາທີ ຫຼັງເຮືອບິນອອກຈາກສະເໜາມບິນ ໃນເມືອງຊານເມລເຊກ ເຊິ່ງເປັນເມືອງທ່ອງທ່ຽວຍອດນິຍົມ ຂອງນັກທ່ອງທ່ຽວຣັດເຊຍ ທີ່ເດິນທາງຈາກອີຢິບເພື່ອມຸ່ງໜ້າໄປຍັງເມືອງ ເຊນປີເຕີສະເບີກ ຂອງຣັດເຊຍ.
ຫຼ້າສຸດ ນາຍົກລັດຖະມົນຕີຂອງອີຢິບ ໄດ້ອອກມາຢືນຢັນແລ້ວວ່າ ເຮືອບິນລຳດັ່ງກ່າວຕົກລົງທາງຕອນກາງ ຂອງແຫຼມໄຊນາຍແທ້ ແຕ່ຍັງບໍ່ມີການເປີດເຜີຍລາຍລະອຽດເພິ່ມເຕີມ ຂະນະທີ່ເບື້ອງຕົ້ນມີລາຍງານວ່າ ຜູ້ໂດຍສານສ່ວນຫຼາຍໃນເຮືອບິນ ເປັນນັກທ່ອງທ່ຽວຊາວຣັດເຊຍ.
ຂະນະທີ່ເມື່ອເວລາ 16.00 ນາທີ ຜູ້ໃຊ້ງານທະວິດເຕີ ເປີດເຜີຍ ຄລິບວິດີໂອສະຖານະທ່ຽວບິນໂດຍສານຣັດເຊຍ #7K9268 ກ່ອນຂາດການຕິດຕໍ່ ສະແດງໃຫ້ເຫັນວ່າ ເຮືອບິນລຳດັ່ງກ່າວ ກຳລັງບິນຢູ່ເທິງນ່ານຟ້າອີຢິບ ໃກ້ກັບຊາຍແດນອິສຣາແອນ ເພື່ອມຸ່ງໜ້າສູ່ເມືອງເຊັນປີເຕີສະເບີກ ຂະນະຢູ່ໃນລະດັບສູງ 33,500 ຟຸດ ໄດ້ບໍ່ເຖິງ 1 ນາທີ ໄດ້ຕົກລົງມາຢູ່ທີ່ 28,325 ຟຸດ ຢ່າງໄວ ແລະຫາຍໄປຈາກຈໍຣາດ້າໃນທີ່ສຸດ.
ຜູ້ນຳອີຢິບອອກມາຖະແຫຼງຂ່າວລະບຸວ່າ ເຮືອບິນຂອງກອງທັບອີຢິບ ໄດ້ບິນໄປສຳຫຼວດພົບຊາກເຮືອບຍິນລຳນີ້ ບໍລິເວນພື້ນທີ່ຮ່ອມພູ ຂະນະນີ້ລົດໜ່ວຍແພດ 45 ຄັນ ໄດ້ມຸ່ງໜ້າໄປບ່ອນພົບຊາກເຮືອບິນ ເພື່ອລຳລຽງຜູ້ເສຍຊີວິດຫຼືບາດເຈັບ ອອກຈາກຈຸດເກີດເຫດ.
ທ່ຽວບິນ 7K9268 ເປັນທ່ຽວບິນເຊົ່າເໝົາລຳ ມີຜູ້ໂດຍສານແລະຈຸບິນລວມທັງໝົດ 224 ຄົນ ໃນຈຳນວນນີ້ ເປັນເດັກ 17 ຄົນ ຈຸບິນ 7 ຄົນ ເຮືອບິນແອບັດລຳນີ້ ໃຊ້ງານມາເກືອບ 20 ປີ.
ຂອບໃຈຂ່າວຈາກ: ໄທຣັດ