ຄອບຄົວອົດສະຕຣາລີໄດ້ບໍລິຈາກ
ຕອນບ່າຍຂອງວັນທີ 16 ຕຸລາ 2013 ເຮືອບິນໂດຍສານທ່ຽວບິນ QV 301 ອອກເດິນທາງຈາກນະຄອນຫຼວງວຽງຈັນ ໄປຍັງສະໜາມບິນສາກົນປາກເຊ ໄດ້ປະສົບອຸບັດເຫດຕົກລົງກາງແມ່ນ້ຳຂອງ ພ້ອມຜູ້ໂດຍສານແລະຈຸບິນລວມ 49 ຊີວິດ ເຊິ່ງໃນນັ້ນມີ ທ້າວ ກາວິນ ອາຍຸ 39 ປີ, ນາງລີ ອາຍຸ 35 ປີ ເປັນເປັນເມຍ, ນາງ ເຈດ ອາຍຸ 3 ປີ ແລະ ທ້າວ ແມນເຟຣດ ອາຍຸ 17 ເດືອນ ເປັນຜູ້ເຄາະຮ້າຍ.
ເພື່ອເປັນອະນຸສອນແກ່ລູກແລະຫຼານ ທີ່ປະສົບອຸບັດເຫດດັ່ງກ່າວ ທ່ານນາງ ໂດຣີນ ໂຣດ ຈຶ່ງໄດ້ບໍລິຈາກເງິນຈຳນວນ 100,000 ໂດລາສະຫະລັດ (ປະມານ 813,700,000 ກີບ) ເພື່ອສ້າງໂຮງຮຽນປະຖົມໄວ້ທີ່ເມືອງປາກເຊ ແຂວງຈຳປາສັກ ເພື່ອອຸທິດສ່ວນບຸນກຸສົນ ໄປຫາລູກແລະຫຼານຂອງທ່ານ.