ຫລັງ ຈາກ​ທີ່​ຕອນ​ນີ້​ແອັບ​ຈາກ Microsoft ເທິງ Android ມີ​ຫລວງຫລາຍ​ແລ້ວ​ຢ່າງ​ເຊັ່ນ Outlook , OneDrive , ແລະ​ແອັບ​ຕະກູນ office ຢ່າງ Word , Excel , PowerPoint ກໍ​ປ່ອຍ​ລົງ​ໃນ Play Store ​ຮຽບຮ້ອຍ​ແລ້ວ​ເຊັ່ນ​ກັນ ຫລ້າ​ສຸດ Microsoft ປະ​ກາດ​ປ່ອຍ​ແອັບ Arrow Launcher  ຊື່ງເປັນ​ການ​ປັບ​ໜ້າ​ຕາ   Home Screen ຂອງ​ມື​ຖື Android ໃຫ້​ດາວໂຫລດ​ເວີລ໌​ຊັ່ນ​ເຕັມ​ໃຫ້​ໃຊ້​ຟຣີ​ແລ້ວ ຫລັງ​ຈາກ​ທີ່​ທົດລອງ​ແອັບ​ນີ້​ແບບ beta ຕັ້ງ​ແຕ່​ເດືອນ​ສິງ​ຫາ​​ທີ່​ຜ່ານມາ

Arrow Launcher ນີ້​ແຕກ​ຕ່າງ​ຈາກ Launcher ອື່ນ​ຫລາຍ ໂດຍ​ການ​ອອກ​ແບບ​ທີ່​ຮຽບ​ງ່າຍ ມີ​ໜ້າ​ຫລັກ​ພຽງ 3 ໜ້າ ແບ່ງ​ໂຊນ​ແຕ່​ລະ​ໜ້າ​ໄວ້​ຢ່າງ​ຊັດເຈນ ເນັ້ນ​ປັບ​ຕົວ​ຮຽນ​ຮູ້​ການ​ເອີ້ນ​ໃຊ້​ງານ​ໃນ​ສ່ວນ​ຕ່າງໆ​ເຊັ່ນ ແອັບ ຫລື​ລາຍ​ຊື່​ຂອງ​ຜູ້​ໃຊ້ ທີ່​ເຈົ້າ​ໃຊ້​ງານ​ເລື້ອຍ + ການ note & reminder ສຳລັບ​ເກັບ​ໂນ້ດ ​ແລະ​ແຈ້ງ​ເຕືອນ​ການ​ນັດ​ໝາຍ ເປັນ​ຕົ້ນ ຕະຫລອດ​ຈົນ​ການ​ເຂົ້າ​ເຖິງ​ສ່ວນ​ຂອງ settings ໃຫ້​ເຈົ້າ​ເອີ້ນ​ໃຊ້​ງານ​ສະ​ດວກ​ຂຶ້ນ

Arrow Launcher ສາມາດ​ດາວ​ໂຫລດ​ໃຊ້​ຟຣີ​ໄດ້​ແລ້ວ​ມື້​ນີ້​ທາງ Play Store ສຳລັບ​ຜູ້​ໃຊ້​ສະ​ມາດ​ໂຟນ Android ເທົ່າ​ນັ້ນ