spot_img
Homeຂ່າວພາຍ​ໃນຄົ້ນຄວ້າກ່ຽວກັບສິ່ງທ້າທາຍຂອງທີ່ດິນ ໃນການຫັນປ່ຽນຕົວເມືອງ

ຄົ້ນຄວ້າກ່ຽວກັບສິ່ງທ້າທາຍຂອງທີ່ດິນ ໃນການຫັນປ່ຽນຕົວເມືອງ

Published on

ຄົ້ນຄວ້າກ່ຽວກັບສິ່ງທ້າທາຍຂອງທີ່ດິນ ໃນການຫັນປ່ຽນຕົວເມືອງ

ວາລະ​ຂອງ​ງານ​ສັບປະດາ​ລາວ-ຝຣັ່ງ ໃນ​ວັນ​ທີ 27 ພະຈິກ 2013 ເຊິ່ງ​ເປັນ​ມື້​ທີ 2 ຂອງ​ງານ​ດັ່ງກ່າວ ຢູ່​ຫໍ​ປະຊຸມ​ແຫ່ງ​ຊາດ ໄດ້​ມີ​ການ​ສຳ​ມະ​ນາ​ຫົວຂໍ້​ສິ່ງ​ທ້າ​ທາຍ​ຂອງ​ທີ່​ດິນ ໃນ​ການ​ຫັນປ່ຽນ​ຕົວ​ເມືອງ ໂດຍ​ເປັນ​ປະທານ​ຂອງ​ທ່ານ ປາ​ລິ​ກອນ ທະລົງ​ແສງ​ຈັນ ອະດີດ​ຮອງ​ຫົວໜ້າ​ສະ​ຖາ​ບັນ​ຂໍ້​ມູນ​ຂ່າວສານ ແລະ ພື້ນ​ແຜນທີ່​ຮອງ​ຫົວໜ້າ​ກົມ​ໂຄສະນາ ຫ້ອງ​ວ່າການ​ລັດຖະບານ ແລະ ທ່ານ​ນາງ Karine PEYRONNIE ຜູ້​ຮັບຜິດຊອບ​ວຽກ​ງານ​ຄົ້ນຄວ້າ ປະຈຳ​ສະ​ຖາ​ບັນ​ຄົ້ນຄວ້າ ເພື່ອ​ການ​ພັດທະນາ​ປະເທດ​ຝຣັ່ງ ມີ​ບັນດາ​ຜູ້​ແທນ​ຂັ້ນ​ສູງ​ທີ່​ຖືກ​ເຊີນ ເຂົ້າ​ຮ່ວມ.

ຈຸດປະສົງ​ຂອງ​ສຳ​ມະ​ນາ​ຄັ້ງ​ນີ້ ແມ່ນ​ເພື່ອ​ນຳ​ສະເໜີ​ກ່ຽວ​ກັບ​ສິ່ງ​ທ້າ​ທາຍ​ຂອງ​ທີ່​ດິນ ໃນ​ການ​ຫັນປ່ຽນ​ຕົວ​ເມືອງ​ພາຍຫຼັງ​ທີ່​ໄດ້​ກວດກາ ໃນ​ແງ່​ຂອງ​ການຈັດຕັ້ງ​ປະຕິບັດ​ໂຄງການ ກໍ​ຄື​ແຜນຜັງ​ຈັດ​ສັນ ຈຶ່ງ​ເຫັນ​ໄດ້​ສິ່ງ​ທ້າ​ທາຍ​ກ່ຽວ​ກັບ​ທີ່​ດິນ​ໃນ​ຕົວ​ເມືອງ ເປັນຕົ້ນ​ແມ່ນ​ຂໍ້​ຂັດ​ແຍ່ງ​ທີ່​ຕິດ​ພັນ​ກັບ​ເງື່ອນໄຂ​ຂອງ​ການ​ຫັນປ່ຽນ​ຕົວ​ເມືອງ ການ​ນຳ​ໃຊ້​ທີ່​ດິນ​ຂອງ​ປະຊາກອນ​ຢູ່​ຕົວ​ເມືອງ ຫຼື ຊົນນະບົດ ແລະ ນັກ​ລົງທຶນ (ພາກ​ລັດ ແລະ ເອກະ​ຊົນ ສຳລັບ​ນັກ​ລົງທຶນ​ເຂົ້າ​ໃສ່​ໂຄງການ​ແລ້ວ ຍັງ​ມີ​ຄວາມ​ຫຍຸ້ງຍາກ​ໃນ​ການ​ປ່ຽນ​ໂອນ​ກຳມະສິດ​ທີ່​ດິນ ຫຼື ມາດ​ຕະການໆ​ເວນ​ຄືນ​ທີ່​ດິນ ຍັງ​ເປັນ​ອຸປະສັກ​ໃນ​ການ​ພັດທະນາ​ຕົວ​ເມືອງ ຕາມ​ທິດ​ທັນ​ສະໄໝ.

ສຳ​ມະ​ນາ​ຄັ້ງ​ນີ້ ຍັງ​ໄດ້​ມີ​ການ​ນຳ​ສະເໜີ​ກ່ຽວ​ກັບ​ຍຸດ​ທະ​ສາດ​ແຫ່ງ​ຊາດ ເພື່ອ​ການ​ຈັດ​ສັນ​ທີ່​ດິນ ຜົນ​ກະທົບ​ຂອງ​ໂຄງການ​ຈັດ​ສັນ​ຂະໜາດ​ໃຫຍ່​ຕໍ່​ທີ່​ດິນ​ໃນ​ຕົວ​ເມືອງ ນັບ​ແຕ່​ປີ 2004 ເປັນຕົ້ນ​ມາ ແລະ ບັນຫາ​ສຳຄັນ​ອື່ນໆ​ອີກ​ຈຳນວນ​ໜຶ່ງ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...