ສຳນັກຂ່າວຕ່າງປະເທດ ລາຍງານໃນວັນທີ 30 ຕຸລານີ້ວ່າ ໃນວັນທີ 29 ຕຸລາຜ່ານມາ ເວລາ 23:45 ໂມງ ຕາມເວລາໃນປະເທດລາວ ເກີດເຫດເຮືອບິນໂດຍສານ ໂບອິ້ງ 767 ຂອງສາຍການບິນໄດນາມິກ ອິນເຕີເນຊັ່ນແນວ ແອຣ໌ເວ ຖ້ຽວບິນທີ 405 ໄຟໄໝ້ເຄື່ອງຈັກ ໃນລະຫວ່າງກຳລັງແລ່ນເທິງທາງຂັບ ທີ່ສະໜາມບິນສາກົນ Fort Lauderdale-Hollywood ລັດຟໍຣິດາ ສະຫະລັດອາເມຣິກາ ໂດຍແຫລ່ງຂ່າວໄດ້ລະບຸວ່າ ເຫດໄຟໄໝ້ດັ່ງກ່າວ ເກີດຂຶ້ນຫລັງຈາກ ນ້ຳມັນເຊື້ອໄຟຂອງເຄື່ອງຈັກຮົ່ວ ເຮັດໃຫ້ມີການອົບພະຍົບຜູ້ໂດຍສານ ອອກຈາກເຮືອບິນ ດ້ວຍປະຕູສະໄລເດີ້ ຊຶ່ງໜ່ວຍກູ້ໄພໄດ້ນຳລົດໂຮງໝໍສຸກເສີນ ແລະ ລົດມອດໄຟເຂົ້າລະງັບເຫດທັນທີ ຈົນສາມາດຄວບຄຸມໄຟໄວ້ໄດ້ ໂດຍມີຜູ້ໄດ້ຮັບບາດເຈັບທັງໝົດ 14 ຄົນ.