ເຟສບຸກເປີດຕົວຟັງຊັ່ນ Message Request ຊ່ວຍແຈ້ງເຕືອນເມື່ອໄດ້ຮັບຂໍ້ຄວາມຈາກຄົົນທີ່ບໍ່ຮູ້ຈັກເທິງ Facebook Messenger
ເມື່ອວັນທີ່ 28 ຕຸລາ David Marcus ທີມງານ Facebook Messenger ໄດ້ເປີດເຜີຍຟັງຊັ່ນ Message Request ສຳລັບ Messenger ເປັນລະບົບແຈ້ງເຕືອນເມື່ອມີຂໍ້ຄວາມຈາກຄົົນທີ່ບໍ່ຮູ້ຈັກ ຊຶ່ງກ່ອນໜ້ານີ້ຖ້າຫາກຂໍ້ຄວາມທີ່ຖືກສົ່ງມາຈາກບຸກຄົນທີ່ບໍ່ແມ່ນໝູ່, ບໍ່ມີຄວາມກ່ຽວພັນກັນ ແລະ ບໍ່ເຄີຍແຊັດກັນມາກ່ອນ ຂໍ້ຄວາມຈະຖືກສົ່ງເຂົ້າໄປໃນກ່ອງ Others ທີ່ສາມາດເປີດເບິ່ງໄດ້ສະເພາະເທິງເວັບ ຊຶ່ງຄົນສ່ວນໃຫຍ່ມັກບໍ່ສັງເກດເຫັນແລະບໍ່ໄດ້ເປີດອ່ານ ແຕ່ຟັງຊັ່ນ Message Request ນີ້ຈະຊ່ວຍແຈ້ງເຕືອນໃຫ້ຮູ້ເພື່ອທີ່ຈະໄດ້ບໍ່ພາດຂໍ້ຄວາມສຳຄັນໆໄປ
ນອກຈາກນີ້ຜູ້ຮັບຂໍ້ຄວາມຈາກ Message Request ຈະສາມາດເປີດອ່ານຂໍ້ຄວາມໂດຍທີ່ຜູ້ສົ່ງບໍ່ຮູ້ວ່າເປີດອ່ານຂໍ້ຄວາມແລ້ວຫລືຍັງ ຊຶ່ງຜູ້ສົ່ງຈະຮູ້ກໍຕໍ່ເມື່ອຜູ້ຮັບຕອບກັບຂໍ້ຄວາມເທົ່ານັ້ນ ໂດຍຄາດວ່າຟັງຊັ່ນ Message Request ເທິງ Messenger ຈະເປີດໃຫ້ໃຊ້ງານໄດ້ໃນໄວໆ ນີ້