ຟັງຊັ່ນ Wi-Fi Assist ໃນ iOS 9 ເປັນຟັງຊັ່ນທີ່ອຳນວຍຄວາມສະດວກໃນການເຊື່ອມຕໍ່ອິນເຕີເນັດ ຄືເມື່ອ Wi-Fi ອ່ອນແຮງລົງ ຕົວເຄື່ອງຈະສະຫລັບໄປໃຊ້ຂໍ້ມູນຈາກເຄືອຂ່າຍ 3G/4G ໂດຍອັດຕະໂນມັດ ແຕ່ກໍຕ້ອງແລກມາດ້ວຍການໃຊ້ຂໍ້ມູນເຄືອຂ່າຍທີ່ມີຢູ່ຢ່າງຈຳກັດ
ຕອນນີ້ເລີ່ມມີຜູ້ໃຊ້ໃນສະຫະລັດລວມຕົວກັນຟ້ອງ Apple ແລ້ວ ເນື່ອງຈາກຟັງຊັ່ນ Wi-Fi Assist ນັ້ນເຮັດວຽກໂດຍອັດຕະໂນມັດ ຄືລົງ iOS 9 ປຸບ ກໍ່ເປີດຟັງຊັ່ນນີ້ທັນທີ ແລະຍັງລັກກິນຂໍ້ມູນເຄືອຂ່າຍໂດຍບໍ່ມີການແຈ້ງໃຫ້ຜູ້ໃຊ້ຮູ້ອີກດ້ວຍ
ແມ່ນ ວ່າ Apple ຈະແຈ້ງໄວ້ແລ້ວວ່າ Wi-Fi Assist ຈະໃຊ້ຂໍ້ມູນພຽງ 1-2 ເປີເຊັນເທົ່ານັ້ນ ແຕ່ໃນຄຳຮ້ອງຕໍ່ສານທີ່ໂຈດຍື່ນຟ້ອງໄວ້ກ່າວວ່າ ຫາກມີການເບີ່ງໜັງ, ເພງ ຫລືໂຫລດຫຍັງທີ່ຕ້ອງໃຊ້ປະລິມານຂໍ້ມູນຫລາຍໆ ນັ້ນກໍມີຜົນກະທົບຕໍ່ຂໍ້ມູນເຄືອຂ່າຍໃນປະລິມານຫລາຍຢູ່ດີ
ເລື່ອງ ນີ້ອາດເບິ່ງເລັກໜ້ອຍສຳລັບປະເທດທີ່ຄ່າບໍລິການເຄືອຂ່າຍບໍ່ແພງຫລາຍ ແຕ່ຫາກທຽບກັບຕ່າງປະເທດທີ່ຄ່າບໍລິການເຄືອຂ່າຍຂ້ອນຂ້າງແພງ ແລະບໍ່ມີການຕິດ FUP (ຄືຖ້າໃຊ້ເກີນໄປແລ້ວກໍຄິດເງີນທັນທີ) ເລື່ອງນີ້ຖືເປັນເລື່ອງໃຫຍ່ພໍສົມຄວນ