ຂປລ. ຫ້ອງການອຸດສາຫະກຳ ແລະ ການຄ້າເມືອງຈຳພອນ ແຂວງສະຫວັນນະເຂດ ຈັດພິທີທຳລາຍສິນຄ້າໝົດອາຍຸ ແລະ ສິນຄ້າເກືອດຫ້າມ ໃນວັນທີ 20 ຕຸລານີ້, ຢູ່ເມືອງຈຳພອນ ໂດຍການເປັນປະທານ ຂອງທ່ານ ນາງ ເຮືອງ ເພັດຊົມພູ ຮອງເຈົ້າເມືອງຈຳພອນ, ມີບັນດາຫົວໜ້າ-ຮອງຫົວໜ້າ ຫ້ອງການອ້ອມຂ້າງ, ພະນັກງານ ວິຊາການກ່ຽວຂ້ອງ ເຂົ້າຮ່ວມ.
ທ່ານ ຄຳແສງ ໄຊຍະວົງ ຫົວໜ້າຫ້ອງການອຸດສາຫະກຳ ແລະ ການຄ້າເມືອງຈຳພອນ ໄດ້ໃຫ້ຮູ້ວ່າ: ໃນການລົງກວດກາສິນຄ້າ ແມ່ນເລີ່ມຕົ້ນແຕ່ວັນທີ 10/8/2015 ຫາວັນທີ 8/9/2015 ສາມາດຢຶດສິນຄ້າທີ່ໝົດອາຍຸ ແລະ ສິນຄ້າເກືອດຫ້າມ ຫລາຍລາຍການ; ສຳລັບສິນຄ້າ ທີ່ນໍາມາທໍາລາຍໃນຄັ້ງນີ້ ປະກອບມີ 54 ລາຍການ, 1.454 ອັນ, ຄິດເປັນມູນຄ່າທັງໝົດ 12 ລ້ານກວ່າກີບ ເປັນຕົ້ນ ນ້ໍາຫວານ, ກາເຟກະປ໋ອງ, ນ້ໍາໝາກພ້າວ, ນົມສົ້ມ, ນ້ຳແຈ່ວໄກ່, ເບຍທີ່ນຳເຂົ້າບໍ່ຖືກຕ້ອງ, ຢາສູບ ແລະ ອື່ນໆອີກ ພ້ອມທັງຕັກເຕືອນ ແລະ ປັບໃໝຜູ້ກະທຳຜິດ ເປັນເງິນຈຳນວນທັງໝົດ 2 ລ້ານກວ່າກີບ.
ແຫລ່ງຂ່າວ:
