ສຳນັກຂ່າວຕ່າງປະເທດ ລາຍງານໃນວັນທີ 22 ຕຸລາຜ່ານມານີ້ວ່າ ທ່ານ ໂຈໂກ ວິໂດໂດ ປະທານາທິບໍດີອິນໂດເນເຊຍ ໄດ້ພິຈາລະນາຮັບຮອງ ບົດລົງໂທດເພີ່ມຕື່ມ ແກ່ຜູ້ກະທຳຄວາມຜິດ ໃນຄະດີລ່ວງລະເມີດທາງເພດເດັກ ຫລັງຈາກທີ່ພົບ ສະຖິຕິຄະດີລະເມີດທາງເພດຕໍ່ເດັກ ໃນປະເທດອິນໂດເນເຊຍ ມີຈຳນວນເພີ່ມຂຶ້ນ ໃນຕະຫລອດປີຜ່ານມາ ໂດຍມາດຕະການລົງໂທດເພີ່ມຕື່ມນີ້ ແມ່ນຈະມີການສັກຢາປັບຮໍໂມນ ເພື່ອເຮັດໃຫ້ຜູ້ກະທຳຜິດ ມີຜົນຂ້າງຄຽງຄືກັບເຮັດໝັນ ອັນຈະເຮັດໃຫ້ຜູ້ຖືກລົງໂທດ ຫລຸດຄວາມຕ້ອງການທາງເພດລົງ ຊຶ່ງວິທີການດັ່ງກ່າວນີ້ ແມ່ນໄດ້ຖືກນຳໃຊ້ມາແລ້ວ ໃນຫລາຍປະເທດທົ່ວໂລກເຊັ່ນ ໂປໂລຍ, ຣັດເຊຍ, ແອສໂຕນີ, ເກົາຫລີໃຕ້ ແລະ ບາງລັດໃນສະຫະລັດອາເມຣິກາ.