ສຳນັກຂ່າວຕ່າງປະເທດ ລາຍງານໃນວັນທີ 22 ຕຸລາຜ່ານມານນີ້ວ່າ ຜົນກະທົບຈາກເຫດໄຟປ່າໄໝ້ລາມຢູ່ອິນໂດເນເຊຍ ໄດ້ກໍ່ໃຫ້ເກີດ ພາວະມົນລະພິດທາງອາກາດ ທີ່ຮ້າຍແຮງທີ່ສຸດໃນຮອບ 10 ປີ ຢູ່ຫລາຍແຂວງທາງພາກໃຕ້ຂອງປະເທດໄທ ເຮັດໃຫ້ແຫລ່ງທ່ອງທ່ຽວທີ່ສຳຄັນ ປະສົບກັບບັນຫາ ເນື່ອງຈາກຄຸນນະພາບອາກາດ ໄດ້ຫລຸດລົງສູ່ລະດັບເປັນອັນຕະລາຍຕໍ່ສຸຂະພາບ ໃນຈຳນວນ 7 ແຂວງທາງພາກໃຕ້ ໂດຍສະເພາະແມ່ນແຂວງສົງຂາ ຈົນຕ້ອງລະບັບຖ້ຽວບິນຕ່າງໆ.
ທັງນີ້ ກະຊວງສາທາລະນະສຸກຂອງໄທ ໄດ້ແຈກຢາຍໜ້າກາກອະນາໄມ ຈຳນວນ 55,700 ອັນ ໃຫ້ແກ່ແຂວງຕ່າງໆທີ່ປະສົບມົນລະພິດແລ້ວ ແລະ ກົມຄວບຄຸມມົນລະພິດຂອງໄທ ກໍໄດ້ທຳການຮຽກຮ້ອງ ໃຫ້ທາງການອິນໂດເນເຊຍ ດຳເນີນມາດຕະການຕ່າງໆ ເພື່ອຫລຸດຜ່ອນການເຜົາປ່າ ຊຶ່ງສົ່ງຜົນກະທົບ ໄປທົ່ວພາກພື້ນອາຊີຕາເວັນອອກສຽງໃຕ້.