ວັນທີ 21 ຕຸລາ 2015 ເວລາປະມານ 11:30 ນາທີ ໄດ້ມີເຫດໄຟໄໝ້ເຮືອນ ຢູ່ບ້ານ ສ້າງເຫວີຍ ເມືອງສີສັດຕະນາກ ນະຄອນຫຼວງວຽງຈັນ. ໜ່ວຍກູ້ໄພ ມູນນິທິຯ ໄດ້ຈັດກຽມອຸປະກອນ ແລະ ທີມດັບໄຟໄປສົມທົບກັບພາກໜ່ວຍສະກັດກັ້ນ ອັກຄີໄພນະຄອນຫຼວງ. ໃນການສະກັດກັ້ນ ແລະ ດັບໄຟຄັ້ງນີ້ ໃຊ້ເວລາກວ່າ 1 ຊົ່ວໂມງຈຶ່ງສາມາດຄວບຄຸມໄຟໄດ້.
ຈາກການບອກເລົ່າຈາກເຈົ້າຂອງບ້ານ ແລະ ຜູ້ຢູ່ອາໄສບໍລິເວນໃກ້ຄຽງບອກວ່າ ເນືອງຈາກເຮືອນຫຼັງນີ້ເປັນ 2 ຊັ້ນ ແລະ ຊັ້ນເທິງເປັນໄມ້ ເຊິ່ງເປັນເຮືອນເກົ່າແກ່ ເປັນເຮືອນມູນມັງ ທີ່ພໍ່ແມ່ໃຫ້ອາໄສ ແລະກຳລັງຢູ່ໃນການປັບປຸງ ແລະ ໄດ້ດຳເນີນການກໍ່ສ້າງໄດ້ເກືອບເຄິ່ງແລ້ວ ແຕ່ບໍ່ຄາດຄິດວ່າໄຟຈະໄໝ້ເສຍກ່ອນ.
ເຫດການດັ່ງກ່າວສາເຫດແມ່ນໄຟຟ້າລັດວົງຈອນ ໃນຂະນະທີ່ໄໝ້ນັ້ນ ຕົນ ແລະ ຄົນບໍລິເວນນັ້ນກໍ່ເຫັນນຳກັນ ທຸກຄົນໄດ້ຊ່ວຍກັນດັບໄຟ ພີ່ນ້ອງທີ່ຢູ່ໃກ້ກັນໄດ້ເອົາບັ້ງດັບໄຟມາເປົ່າໃສ່ ແຕ່ກໍ່ບໍ່ທັນ ເນື່ອງຈາກຊັ້ນເທິງເປັນໄມ້ເຮັດໃຫ້ໄຟໄໝ້ລາມຢ່າງໄວວາ, ພຽງ 5 ນາທີ ຊັ້ນເທິງກໍ່ໄໝ້ຈົນໝົດ ເຫຼືອພຽງແຕ່ເສົາ ແລະ ຊັ້ນລຸ່ມທີ່ເປັນຝາດິນຈີ່ແຕກແຫງ.
ຂໍຂອບໃຈພາບເຫດການທີ່ກຳລັງໄຟໄໝ ຈາກ
Ning Naovalard Man Utd
ຂ່າວຈາກ: ໜ່ວຍກູ້ໄພມູນນິທິຯ