ເຊື່ອ​ວ່າ​ຂ່າວ​ນີ້​ເປັນ​ຂ່າວ​ຮ້ອນ​ແຮງ​ທີ່ສຸດ​ໃນ​ຈອນນີ້  ເພາະ​ສື່​ໄອ​ທີ​ຕ່າງ​ປະເທດ​ສຳ​ນັກ​ຕ່າງໆ ພາ​ກັນ​ນຳ​ສະເໜີ​ຂ່າວ​ກ່ຽວກັບ​ສມາດໂຟນ​ລຸ້ນ​ໃໝ່​ໃນ​ຕະກູນ Galaxy S ຢ່າງ Samsung Galaxy S7  ວ່າ​ມັນ​ອາດຈະ​ປາກົດ​ຕົວ​ຂາຍ​ຢ່າງ​ເປັນ​ທາງ​ການ​ໃນ​ເດືອນ ມັງກອນ 2016 ນີ້

ໂດຍ Samsung Galaxy S7  ທີ່​ມີ​ການ​ເວົ້າ​ເຖິງ​ກັນ​ໃນ​ຂ່າວ​ນັ້ນ​ຄື​ມັນ​ຈະ​ມາ​ພ້ອມ​ກັນ​ທັງ​ໝົດ 2 ລຸ້ນ​ແບ່ງ​ເປັນ​ລຸ້ນ​ (ພີ​ມຽມ)   ແລະ​ອີກ​ລຸ້ນ​ປົກກະຕິ​ທີ່​ຫລຸດສະເປັກລົງມາ​ພ້ອມ​ທັງ​ຂາຍ​ໃນ​ລາ​ຄາ​ທີ່​ຖືກ​ກວ່າ  ສ່ວນ​ຂອງສະ​ເປກ​ນັ້ນ​ຄາດ​ວ່າ​ຫນ່ວຍ​ປະ​ມວນ​ຜົນ​ນັ້ນ​ຍັງ​ຄອນ​ເຊັບ​ເກົ່າ​ນັ້ນ​ຄື​ມີ​ໃຫ້​ເລືອກ ທັງ Samsung Exynos ແລະ Samsung  Qualcomm Snapdragon ຂຶ້ນ​ຢູ່​ກັບ​ປະເທດ​ທີ່​ນຳ​ເຂົ້າ​ມາ​ຈຳ​ໜ່າຍ
ແລະ​ຕາມ​ກະ​ແສ​ຂ່າວ​ນັ້ນ​ຄາດ​ວ່າ Samsung Galaxy S7 ລຸ້ນ​ໃໝ່​ຈະ​ມາ​ພ້ອມ​ກັບ​ລະບົບ 3D Touch  ຊຶ່ງ​ມີ​ລັກສະນະ​ການເຮັດວຽກງານ​ຄ້າຍ​ໆ ກັບ 3D Touch  ຂອງ iPhone 6S  ນັ້ນ​ເອງ ແລະ​ສາ​ເຫດ​ຫລັກ​ທີ່​ມີ​ຂ່າວ​ລື​ນີ້​ອອກ​ມາ​ນັ້ນ​ອາດຈະ​ເປັນ​ຜົນ​ມາ​ຈາກ​ການ​ທີ່ Apple ຄູ່​ແຂງ​ຄົນ​ສຳຄັນ​ໄດ້​ທຳການ​ເປີດ​ຕົວ iPhone 6S ກັບ iPhone 6S Plus  ຢ່າງ​ແນ່ນອນ ແລະ​ ​ທາງ Samsung ຕ້ອງ​ການ​ດຶງ​ສ່ວນ​ແບ່ງ​ຂອງຕະຫລາດ​ກັບ​ມາ​ກໍ​ຕ້ອງ​ເຮັດຫຍັງ​ໃຫ້​ໄວ​ຂຶ້ນ

ຢ່າງ​ໜ້ອຍ​ຂ່າວ​ລື​ນີ້​ກໍ​ສາມາດ​ເຮັດໃຫ້​ໃຜ​ຫລາຍໆ ຄົນ​​ຫຍຸດການ​ຊື້ iPhone 6S ກັບ iPhone 6S Plus ໄວ້​ກ່ອນ​ເພື່ອ​ລໍຖ້າ​ທຽບ​ກັບ Samsung Galaxy S7 ທີ່​ລື​ວ່າ​ຈະ​ເປີດ​ຕົວ​ໃນ​ເດືອນມັງກອນ​ແນ່ນອນ