ໜຸ່ມອິນເດຍເຖິງກັບອຶ້ງໄປເລີຍ ເມື່ອປາກົດວ່າສິ່ງທີ່ພວກເຂົາໄດ້ຮັບມາເປັນພຽງແຕ່ກ້ອນປູນ ເພາະວ່າແທ້ໆ ແລ້ວພວກເຂົາສັ່ງຊື້ ສະມາດໂຟນ OnePlus One ມາຈາກເວັບໄຊຕ໌ Amazon ຂອງອິນເດຍ ເລື່ອງເກີດຂຶ້ນຫລັງຈາກທີ່ທາງໜຸ່ມອິນເດຍລາຍນີ້ນາມວ່າ Maninder Walia ຈາກເມືອງຊານດິກາ ໄດ້ໂພສ໌ Facebook ຮ້ອງຮຽນກ່ຽວກັບບັນຫາການສັ່ງຊື້ສະມາດໂຟນຈາກທາງ Amazon ສາຂາອິນເດຍທາງໂທລະສັບ
ເມື່ອໄດ້ຮັບຄຳສັ່ງຊື້ໄປ ປາກົດວ່າສິນຄ້າເດີນທາງມາເຖິງຊ້າກວ່າກຳນົດ 30 ຊົ່ວໂມງ ແຖມກ່ອງເບິ່ງຄືວ່າຈະມີຮ່ອງຮອຍເສຍຫາຍນຳອີກ ພໍເປີດກ່ອງອອກມາເບິ່ງເທົ່ານັ້ນ ໜຸ່ມອິນເດຍລາຍນີ້ເຖິງກັບຊັອກ ເມື່ອສິ່ງທີ່ຢູ່ໃນກ່ອງກາຍເປັນກ້ອນປູນແທນທີ່ຈະເປັນສະມາດໂຟນ OnePlus One ທີ່ພວກເຂົາສັ່ງຊື້
ຊຶ່ງຫລັງຈາກທາງ Amazon ໄດ້ຮັບຮູ້ເລື່ອງກໍໄດ້ດຳເນີນການຕິດຕໍ່ມາຍັງຊາຍຄົນດັ່ງກ່າວ ແຕ່ກໍຕ້ອງລໍຖ້າຜົນສະຫລຸບອີກວ່າຈະຊົດເຊີຍຄວາມເສຍຫາຍຫລືດຳເນີນການຢ່າງໃດຕໍ່ໄປອີກທີ ກໍຖືວ່າເປັນເລື່ອງໂຊກຮ້າຍຂອງໜຸ່ມອິນເດຍລາຍນີ້ ຂະໜາດວ່າຊື້ສິນຄ້າກັບທາງ Amazon ຊຶ່ງເປັນຜູ້ຄ້າອອນໄລນ໌ລາຍໃຫຍ່ຍັງຖືກແບບນີ້