spot_img
Homeຂ່າວພາຍ​ໃນສູນປ້ອງກັນພືດ ເຕືອນຊາວສວນລະວັງພະຍາດພືດລະບາດ

ສູນປ້ອງກັນພືດ ເຕືອນຊາວສວນລະວັງພະຍາດພືດລະບາດ

Published on

IMG_1848
ທ່ານ ຕຽງຄຳ ວົງສາບຸດ ຮອງຫົວໜ້າສູນປ້ອງກັນພືດສາລາຄຳ
IMG_1899
ສັດຕູພືດ

 

ສູນ​ປ້ອງ​ກັນ​ພືດ ​ເຕືອນ​ຊາວ​ກະສິກອນ ລະວັງ​ພະຍາດ​ລະບາດ​ໃນ​ພືດ​, ຫມັ່ນ​ຕິດຕາມ​ກວດກາ​ຜົນ​ຜະລິດ ຫາກ​ພົບ​ເຫັນ​ສິ່ງ​ທີ່​ຜິດ​ປົກກະຕິ​ໃຫ້​ລາຍ​ງານ​ຂະ​ແຫນງ​ປູກຝັງ​ດ່ວນ ​ເພື່ອຫາ​ວິທີ​ປາບ​ປາມ ​ແລະ ຄວບ​ຄຸມ​ບໍ່​ໃຫ້​ແຜ່​ລະບາດ​ໄປ​ຍັງ​ເຂດ​ອື່ນ.

ຫຼັງ​ໄດ້​ຕິດຕາມ​ເຝົ້າລະວັງ​ການລະບາດ​ຂອງ​ສັດຕູ​ພືດ ​ຢູ່​ນະຄອນຫຼວງວຽງຈັນ ​ແລະ ບັນດາ​ແຂວງ​ພາກ​ໃຕ້, ຫຼັງຈາກ​ພະນັກງານ​ກະສິກຳ ​ລົງ​ສຳຫຼວດພົບ​ການລະບາດຂອງ​ພະຍາດ ແຕ່ຍັງ​ບໍ່ມີ​ພື້ນ​ທີ່​ໃດ​ໄດ້​ຮັບ​ຜົນ​ກະທົບ​ຮ້າຍ​ແຮງ. ດັ່ງ​ນັ້ນ​ສູນ​ປ້ອງ​ກັນ​ພືດຈຶ່ງ​ຮຽກຮ້ອງໃຫ້​ປະຊາຊົນ​ຫມັ່ນຕິດຕາມ​​ເຝົ້າລະວັງ ຜົນຜະລິດ​ຂອງ​ຕົນ​​ແຕ່​ຫົວທີ ​ຫາກ​ຜິດ​ປົກກະຕິ​ຕ້ອງ​ລາຍ​ງານ​ເຈົ້າ​ໜ້າ​ທີ່​ກະສິກຳເພື່ອກວດກາ, ກຳຈັດ ​ແລະ ຫາ​ທາງປ້ອງ​ກັນຄວາມ​ເສຍ​ຫາຍ​ທີ່​ເກີດ​ຂຶ້ນຢ່າງ​ຮີບ​ດ່ວນ.

ເພື່ອ​ເປັນ​ການ​ສືບຕໍ່ຈັດ​ຕັ້ງ​ວຽກງານ​ສຳຫຼວດ, ​ເຝົ້າລະວັງ ​ແລະ ພະຍາກອນ​ການລະບາດ ຂອງ​ສັດຕູ​ພືດຜ່ານ​ມາໃນ​ນັ້ນ​ໄດ້ເລ່ງ​ໃສ່ພືດ​​ເສດຖະກິດ​ເປັນ​ຕົ້ນຕໍ, ດັ່ງ​ນັ້ນ​ສູນ​ປ້ອງ​ກັນ​ພືດ​ໄດ້​ສົມທົບ​ກັບ​ພະນັກງານ​ວິຊາ​ການ​ຂະ​ແໜງ​ປູກຝັງ ນະຄອນຫຼວງ, ແຂວງວຽງຈັນ, ບໍລິຄຳໄຊ, ສະຫວັນນະເຂດ,ສາລະວັນ, ເຊກອງ ແລະ ​ແຂວງຈຳປາສັກ ພະນັກງານ​ໄດ້​ລົງສຳຫຼວດເຝົ້າລະວັງ ແລະ ພະຍາກອນການລະບາດຂອງສັດຕູພືດ ຫຼັງພົບ​ການ​ທຳລາຍ​ຂອງ​ເພ້ຍ​ແປ້ງ​ສີ​ບົວ​ໃນ​ສວນ​ມັນ​ຕົ້ນ ​ແລະ ​ແມງ​ໄມ້​ປີກ​ແຂງ​ ກິນ​ໃບຂອງ​ສວນ​ກ້ວຍ,  ​​​ເຊິ່ງພົບໃນ​ບັນດາ​ແຂວງ​ເປົ້າ​ໝາຍ​ທີ່​ລົງ​ກວດກາ ແຕ່​ພະນັກງານ​ກໍໄດ້​ແກ້​ໄຂ ​ແລະ ສາມາດ​ຄວບ​ຄຸມ​ໄວ້​ໄດ້​ໂດຍ​ບໍ່​ໃຫ້​ລະບາດ​ໄປ​ສູ່​ເຂດ​ອື່ນ​. ​

​ ທ່ານ ຕຽງຄຳ ວົງສາ​ບຸດ ຮອງ​ຫົວໜ້າສູນ​ປ້ອງ​ກັນ​ພືດ​ສາລາ​ຄຳ ​​ໄດ້​ກ່າວ​​ວ່າ: ການ​ປ້ອງ​ກັນ, ກຳຈັດ​ພະຍາດ ​ແລະ ສັດຕູ​ພືດ​​​ຜ່ານ​ມາ​ ຍັງ​ມີ​ຄວາມ​ຫຍຸ້ງຍາກ​, ສ່ວນ​ໃຫຍ່​ການ​ຜະລິດ​ຂອງ​ປະຊາຊົນ​ຍັງ​ບໍ່​ເປັນ​ລະບົບ, ຜະລິດ​ກະ​ແຈ​ກກະຈາຍ ອີກ​ທັງ​ຄວາມ​ຮູ້​ໃນ​ດ້ານ​ພະຍາດ, ສັດຕູ​ທີ່​ທຳລາຍ​ພືດ ​ແລະ ການ​ປ້ອງ​ກັນ​ຍັງ​ບໍ່ທັນ​ເຂົ້າ​ໃຈ​ເລິກ​ເຊິ່ງດັ່ງ​ນັ້ນ​ຈຶ່ງ​ເຮັດ​ໃຫ້ການ​ໃຊ້​ຢາ ​ຍັງ​ບໍ່ຖືກ​ກັບ​ພະຍາດ​ທີ່​ເກິີດຂຶ້ນ​ເຮັດ​ໃຫ້​ພະຍາດ​ເພີ່ມ​ທະວີ​ການ​ທຳລາຍຫຼາຍຂຶ້ນ.

ຕໍ່ກັບ​ບັນ​ຫາ​ດັ່ງກ່າວ ອັນ​ໄດ້​ສົ່ງ​ຜົນ​ກະທົບ​ຕໍ່​ເສດຖະກິດ​ຂອງ​ປະຊາຊົນ​ ດັ່ງ​ນັ້ນ, ສູນ​ປ້ອງ​ກັນ​ພືດ ຈຶ່ງ​ຖື​ເອົາ​ວຽກງານ​ເຝົ້າລະວັງ​ເປັນ​ສຳຄັນ​ເຊິ່ງຈະ​ຕ້ອງ​ມີ​ກາ​ນພັດທະນາ​ເປັນ​ລະບົບຕໍ່​ເນື່ອງ​ໃນ​ການ​ສຳຫຼວດ, ການ​ວິ​ເຄາະ​, ​ເພື່ອ​ພະຍາກອນ​ການລະບາດ​ຂອງ​ສັດຕູ​ພືດ ​ເຊິ່ງຈະ​ຊ່ວຍ​ໃຫ້​ຊາວ​ກະສິກອນ​ສາມາດ​ປ້ອງ​ກັນ​ໃຫ້​ທ່ວງທັນ​ກັບ​ສະພາບ​ການ ພ້ອມ​ທັງ​ນຳ​ໃຊ້​ມາດ​ຕະການ​ສະກັດກັ້ນ​ ແລະ ກຳຈັດ​ບໍ່​ໃຫ້​ແຜ່​ລາມ​ໄປ​ສູ່​ເຂດ​ອື່ນ​.

ທ່ານ ຍັງ​ກ່າວ​ຕື່ມ​ອີກ​ວ່າ: ການລະບາດ​ຂອງ​ພະຍາດ​ຜ່ານ​ມາ​ສ່ວນ​ໃຫຍ່ ຊາວ​ກະສິກອນ​ຍັງ​ຖື​ເບົາ​ຕໍ່ວຽກງານ​ນີ້,​ເລີ່​ມ​ແຕ່​ການ​ຈັດການ​ດິນປູກ, ການ​ຄັດ​ເລືອກ​ແນວ​ພັນ​ຕ້ອງ​ໄດ້​ເອົາ​ໃຈ​ໃສ່​ເປັນ​ພິ​ເສດ, ​​ສ່ວນການ​ແກ້​ໄຂ​ຜ່ານ​ມາກໍໄດ້​ຈັດ​ເຝິກອົບຮົມ ສ້າງ​ຄວາມ​ເຂົ້າ​ໃຈໃຫ້​ປະຊາຊົນຮູ້​ເຖິງຄວາມ​ເສຍ​ຫາຍທີ່ຫຼັງພະຍາດ​ເກີດ, ການ​ແກ້​ໄຂ​ບັນ​ຫາ ​ແລະ ຮ່ວມ​ເປັນ​ເຈົ້າ​ການ​ນຳ​ກັນ.​

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...