ໂຄງການ“ວຽງຈັນເຊັນເຕີ” ໄດ້ເລີ່ມເຊັນສັນຍາເຈດຈຳນົງກັບລູກຄ້າໃນວັນທີ່ 24 ເດືອນ 9 ນີ້, ແລະ ຜົນຕອບຮັບຈາກການຕະຫຼາດກໍ່ເປັນຢ່າງດີ.
ໄລຍະນີ້, ການກໍ່ສ້າງໂຄງການດັ່ງກ່າວໄດ້ “ໄດ້ພົ້ນເດັ່ນຂື້ນສູ່ໜ້າດິນ” ແລ້ວ, ອີງຕາມຄວາມຄືບໜ້າຂອງການກໍ່ສ້າງໃນປະຈຸບັນ, ຄາດວ່າຈະສຳເລັດການຕັດຫຼັງຄາໃນທ້າຍປີນີ້, ແລ້ວກໍ່ຈະສົ່ງມອບຮ້ານໃຫ້ລູກຄ້າດຳເນີນການຕົບແຕ່ງໄດ້ໃນເດືອນ 4 ປີ 2014 ນີ້, ແລະ ໃນທ້າຍປີ 2014 ຈະໄດ້ເລີ່ມຕົ້ນທົດລອງເປີດກິດຈະການ; ເຊິ່ງສິນຄ້າແບຣນເນມຂອງ ກຸ່ມບໍລິສັດ CMG ( Central Marketing Group) ຈາກປະເທດໄທເຊັ່ນວ່າ: ສິນຄ້າຍີ່ຫໍ້ Lee Kids, Gen2, Pup pet, Casualist, John Henry, Lee, Wranger, Casio, Guess watch, Jocky, Hush Puppies ເຫຼົ່ານີ້ເປັນຕົ້ນ, ໃນເຄືອຄ່າຍຂອງ ICC ( International Public Company ) ຈະມີຍີຫໍ້ດັງຕໍ່ໄປນີ້: Guy Laraoche, Arrow, BSC Cosmetology, Wacoal, Louis Fontaine ທີ່ເປັນຕົ້ນ ແລະ ກໍ່ຈະໄດ້ເຂົ້າມາວາງຈຳໜ່າຍຢູ່ໃນໂຄງການດັ່ງກ່າວນີ້ເຊັ່ນກັນ; ພ້ອມດຽວກັນນີ້, ຍັງຈະມີຫ້າງຮ້ານທີ່ມີຍີ່ຫໍ້ຊື່ສຽງໂດງດັງ ແລະ ມີທຸລະກິດໂຮງຮູບເງົາຫຼາຍໆແຫ່ງກໍ່ພວມເຈລະຈາກັບເຈົ້າຂອງໂຄງການຢູ່,ໂຄງການດັ່ງກ່າວນີ້ຈະກາຍເປັນສູນລວມສີວິໄລຢູ່ໃນໃຈກາງຕົວເມືອງແຫ່ງທຳອິດຂອງ ນະຄອນຫຼວງວຽງຈັນ, ເປັນສູນລວມແຟຊັນແບບສາກົນ, ເຄື່ອງສຳອາງ, ກະເປົ໋າ, ເຄື່ອງປະດັບໄຂ່ມຸກທີ່ມີລະດັບ ແລະ ອາຫານນານາຊາດ, SPA, ໂຮງຮູບເງົາທີ່ທັນສະໄຫມ ແລະ ອື່ນໆ, ຊາວລາວບໍ່ຈຳເປັນຕ້ອງຂ້າມໄປປະເທດໄທອີກ ແລະ ຢູ່ທີ່ນີ້ກໍ່ສາມາດຕອບສະໜອງຄວາມຕ້ອງການຂອງຜູ້ບໍລິໂພກໄດ້ຢ່າງເຕັມອັດຖະລົດ. ຫຼາຍຫົວໜ່ວຍທຸລະກິດໄດ້ເຫັນທ່າແຮງທີ່ສຳຄັນຂອງໂຄງການນີ້, ກໍ່ເລີຍຫຼັ່ງໄຫຼເຂົ້າມາເຊັນສັນຍາພ້ອມທັງຈ່າຍເງິນມັດຈຳກັບ “ວຽງຈັນເຊັນເຕີ” ນີ້ໄດ້ເປັນທີ່ຮຽບຮ້ອຍແລ້ວ.
ໂຄງການ “ວຽງຈັນເຊັນເຕີ” ແມ່ນບໍລິສັດລົງທຶນຕ່າງປະເທດ ແຂວງຢຸນນານ ຈໍາກັດ ແລະ ບໍລິສັດ ກຣິດຕະພົງກຣຸບ ຈໍາກັດ (ປະເທດລາວ) ຮ່ວມກັນສ້າງບໍລິສັດ ພັດທະນາສູນເສດຖະກິດການຄ້າຄົບວົງຈອນຫນອງຈັນເຫນືອ ຈໍາກັດ ເປັນຜູ້ດໍາເນີນໂຄງການ, ແລະ ມີ ບໍລິສັດ ທີ່ປຶກສາດ້ານການອອກແບບສິງກະໂປ ເປັນຜູ້ຮັບຜິດຊອບສ້າງແຜນຜັງ ແລະ ອອກແບບ. ໂຄງການນີ້ຈະນໍາເອົາບົດຮຽນສາກົນ ແລະຮູບແບບການດໍາເນີນທຸລະກິດສາກົນເຂົ້າຢູ່ໃນການພັດທະນາ ນະຄອນຫຼວງວຽງຈັນ. ໂຄງການນີ້ທັງເປັນໂຄງການການຮ່ວມມືລະຫວ່າແຂວງ ຢຸນນານ ແລະ ນະຄອນຫຼວງວຽງຈັນ, ສະນັ້ນ ໂຄງການ“ວຽງຈັນເຊັນເຕີ” ໄດ້ຖືເປັນໂຄງການອັນສໍາຄັນຂອງອໍານາດການປົກຄອງ ນະຄອນຫຼວງວຽງຈັນ ແລະ ແຂວງ ຢຸນນານ ຢ່າງສູງສຸດ. ນັບແຕ່ໂຄງການນີ້ໄດ້ເລີ່ມກໍ່ສ້າງເປັນຕົ້ນມາ, ຄົນງານທຸກຄົນໄດ້ຜ່ານຜ່າຫຼາຍໆປັດໃຈຂໍ້ຫຍຸ້ງຍາກເປັນຕົ້ນກໍ່ແມ່ນ: ຝົນແຮງຕົກລິນ, ແຮງງານຂາດເຂີນ, ຂາດແຄນວັດຖຸ, ເຮັດວຽກພາຍໃຕ້ອຸນະພູມຮ້ອນເອົ້າ, ແຕ່ເຂົາເຈົ້າກໍ່ເຮັດວຽກມີຄຸນນະພາບ, ປອດໄພແລະມີລະບຽບວິໄນ, ຈັດສັນວຽກງານບໍ່ໃຫ້ມີຊ່ອງໂຫວ່, ຫັດກຸມຄຸມເຂັ້ມ, ຫຼັງຈາກຜ່ານການບາກບັ່ນເປັນເວລາ 4 ເດືອນຕໍ່ເນື່ອງຈົນເຖິງປະຈຸບັນນີ້ໄດ້ສຳເລັດການກໍ່ສ້າງຂັ້ນຕົ້ນ ແລະ ກຳລັງສືບຕໍ່ດຳເນີນການກໍ່ສ້າງຊັ້ນທີ່ສອງ.
ອາຄານ “ວຽງຈັນເຊັນເຕີ” ຕັ້ງຢູ່ທີ່ເຂດຈຸດສູນການຄ້າຂອງ ນະຄອນຫຼວງວຽງຈັນ, ມີທິວທັດທໍາມະຊາດຂອງ ໜອງຈັນເໜືອ, ແມ່ນໂຄງການຕົວເມືອງຄົບວົງຈອນແຫ່ງທີ່ 1 ຂອງນະຄອນຫຼວງວຽງຈັນ. ມີແບບການຈັດສັນເຊັ່ນ: ຫ້າງສັບພະສິນຄ້າຄົບວົງຈອນ, ໂຮງໜັງ, ຫ້ອງການ, ໂຮງແຮມ 4 ດາວ, ສະໂມສອນພົບປະ, ອາພາດເມັນ ແລະ ກິດຈະການອື່ນໆ. ເນື້ອທີ່ໂຄງການທັງຫມົດມີ 5,3 ເຮັກຕາ, ເນື້ອທີ່ການກໍ່ສ້າງຂອງໂຄງການມີ 120 ພັນຕາລາແມັດ (ໜ້າພື້ນດິນ 90,966 ㎡, ພື້ນດິນມີ 30,852 ㎡). ສູນການຄ້າ ແລະ ຕຶກຫ້ອງການໄລຍະທີ່1, ເນື້ອທີ່ສູນການຄ້າມີ 36,673㎡, ເນື້ອທີ່ຕຶກຫ້ອງການມີ 14,584㎡, ຜັງໄລຍະທີ່ 1 ແລະ 2 ມີບ່ອນຈອດລົດກ່ວາ 1,100 ບ່ອນ.
ໂຄງການນີ້ຈະກາຍເປັນຫຼັກໝາຍທີ່ຊັກນຳການຄ້າຢູ່ ນະຄອນຫຼວງວຽງຈັນ, ຈະນຳເອົາປະສົບການໃໝ່ໃນການດຳລົງຊີວິດຢູ່ໃນເມືອງຫຼວງ ແບບລະດັບສາກົນມາໃຫ້ປະຊາຊົນຊາວນະຄອນຫຼວງວຽງຈັນ.