spot_img
Home​ຂ່າວບັນເທິງເອົາໃຈຊ່ວຍດາວດິນ ເອົາພໍ່ໄປປົວອາການແພ້

ເອົາໃຈຊ່ວຍດາວດິນ ເອົາພໍ່ໄປປົວອາການແພ້

Published on

ດາວດິນຖິ່ນຈຳພອນ
ສິລະປິນ ດາວດິນ ຖິ່ນຈຳພອນ

ດາວດິນຖິ່ນຈຳພອນ ເຈົ້າຂອງຜົນງານເພງ ໝໍ້ໜຶ້ງຮ້ອງຄືນ້ອງເອີ້ນຫາ ແລະ ດອກຍາງຫ່າງຕົ້ນ ທີ່ກຳລັງເປັນເພງບ້ານນາໂດ່ງດັງ ໃນປັດຈຸບັນ ໄດ້ເອົາພໍ່ຂອງຕົນ ໄປເຂົ້າໂຮງໝໍຍ້ອນມີອາການ ຕົກເກັດເປື່ອຍລຸກລາມໄປທົ່ວໃບໜ້າ ແລະຮ່າງກາຍ.
ພໍ່ ວຽງໄຊ ນັນທາທິລາດ (ພໍ່ແທ້ໆຂອງດາວດິນ ຖິ່ນຈຳພອນ) ເຊິ່ງເປັນຄົນສະແດງໃນວິດີໂອປະກອບເພງ ໝໍ້ໜຶ້ງຮ້ອງຄືນ້ອງເອີ້ນຫາ ແລະ ດອກຍາງຫ່າງຕົ້ນ ໄດ້ເກີດມີອາການຕົກເກັດເປື້ອຍ ລຸກລາມໄປ ຈຶ່ງໄດ້ໃຊ້ຢາພື້ນເມືອງມາປິ່ນປົວ ແຕ່ອາການບໍ່ດີຂຶ້ນແລະຮ້າຍແຮງຂຶ້ນເລື້ອຍໆ ຈົນເຖິງວັນທີ 10 ຕຸລາ 2015 ທາງຄອບຄົວຈຶ່ງໄດ້ນຳສົ່ງໂຮງໝໍແຂວງ ສະຫວັນນະເຂດ ແຕ່ຖືກສົ່ງຕໍ່ໄປຍັງໂຮງໝໍ ມຸກດາຫານ ເພື່ອທຳການປິ່ນປົວ.
ແພດບົ່ງມະຕິວ່າ ເປັນອາການແພ້ແລະຕິດເຊື້ອ ເນື່ອງຈາກເບື້ອງຕົ້ນນັ້ນໄດ້ປິ່ນປົວ ດ້ວຍຢາພື້ນເມືອງ ເຊິ່ງອາດຈະເຮັດເປັນສາເຫດຂອງ ການຕິດເຊື້ອລຸກລາມໄປທົ່ວຮ່າງກາຍ ດັ່ງນັ້ນ, ຈຶ່ງຕ້ອງໄດ້ຮັບການປິ່ນປົວຢ່າງເອົາໃຈໃສ່.
ຫຼ້າສຸດໝໍໄດ້ໃຫ້ຢາຕ້ານເຊື້ອ, ມີອາການຊົງໂຕ ແລະຄ່ອຍໆດີຂຶ້ນເລື້ອຍໆ ຈັ່ງໃດ ທີມຂ່າວບັນເທີງ ລາວໂພສ ກໍຂໍເອົາໃຈຊ່ວຍດາວດິນ ຖິ່ນຈຳພອນ ໄດ້ປິ່ນປົວພໍ່ໃຫ້ຫາຍດີໄວໆ ເດີ້

ດາວດິນ ຖິ່ນຈຳພອນ
ພໍ່ ວຽງໄຊ ນັນທາທິລາດ ພໍ່ຂອງດາວດິນ (ຕອນທີ່ກຳລັງສະແດງໃນວິດີໂອເພງ ໝໍ້ໜຶ້ງຮ້ອງຄືນ້ອງເອີ້ນຫາ)
ດາວດິນຖິ່ນຈຳພອນ
ດາວດິນ ຖິ່ນຈຳພອນ ກຳລັງເບິ່ງແຍງພໍ່ ທີ່ໂຮງໝໍມຸກດາຫານ

ເພງ: ໝໍ້ໜຶ້ງຮ້ອງຄືນ້ອງເອີ້ນຫາ

ເພງ: ດອກຍາງຫ່າງຕົ້ນ

ບົດຄວາມຫຼ້າສຸດ

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...