ລາຍງານໃຫ້ຮູ້ວ່າ ໄດ້ເກີດເຫດສະຫລົດໃຈເມື່ອທ້າວ ໂອລິດ ອາຍຸ 33 ປີ ໃຊ້ມີດຟັນແລະປາດຄໍຫລານສາວອາຍຸ 10 ປີ ແລະ ຫລານຊາຍອາຍຸ 2 ປີເສຍຊິວິດ ຄາທີ່.
ເຫດການດັ່ງກ່າວເກີດຂື້ນໃນວັນທີ 11 ຕຸລາທີ່ຜ່ານ ທີ່ ດົງໜາກອຶ ບ້ານໂພນເດຶ່ອ ເມື່ອງອຸທຸມພອນ ແຂວງສະຫວັນນະເຂດ. ເມື່ອທ້າວ ໂອລິດ ໄດ້ເສບຢາບ້າ ຈົນນອນບໍ່ໄດ້ 2-3 ມື້ເພື່ອປາດຢາງພາລາ ທີ່ຕົນເອງໄປຮັບຈ້າງກັບເມຍ.
ຫລັງຈາກປາດຢ່າງພາລາແລ້ວຜູ້ເປັນເມຍກຳລັງຈະພາທ້າວໂອລິດກັບເຮືອນ ແລະທ້າວໂອລິດໄດ້ມານອນລໍຖ້າເມຍຢູ່ຖຽງ ໃກ້ສວນຢາງ. ໃນຈັງຫວະນັ້ນ ໄດ້ມີເດັກນ້ອຍຈຳນວນ 4 ຄົນໄດ້ໄປເກັບໝາກບົກ ໃນບໍລິເວນດັ່ງກ່າວ. ເຊິ່ງເດັກນ້ອຍ ທ້າວສະເຫລີມຍົດອາຍຸ 2 ປີ ໄດ້ຢ່າງຕົກຂີ້ຕົມ, ຜູ້ເປັນເອື້ອຍເລີຍພາໄປປ່ຽນເຄື່ອງ ຢູ່ບໍລິເວນຖຽງນາ.
ໃນນະນະນັ້ນ ທ້າວ ສະເຫລີມຍົດ ໄດ້ຮ້ອງໄຫ້ບໍ່ເຊົາ, ເຮັດໃຫ້ທ້າວ ໂອລິດ ຜູ້ເປັນນ້າບ່າວ ທີ່ກຳລັງນອນເກີດຄວາມໃຈຮ້າຍ ແລະ ໂມໂຫ ລົງມື ໃຊ້ມີດຟັນໃສ່ ນາງ ແຟມ ອາຍຸ 10 ປີ ເຂົ້າທີ່ແກ້ມ ທີ່ງ່ອນ ແລະ ນິ້ວມື ເສຍຊີວິດ. ຫລັງຈາກນັ້ນທ້າວ ໂອລິດ ໃຊ້ມີດປາດຄໍທ້າວ ສະເຫລີມຍົດ ຫລານຊາຍຕົນເອງອາຍຸ 2 ປີເສຍຊິວິດຄາທີ່. ພາຍຫຼັງກໍ່ເຫດ ທ້າວ ໂອລິດ ໄດ້ເອົາໂຕຫລົບໜີ ແລະໃນມື່ຕໍ່ມາ ເຈົ້າໜ້າທີ່ ປກສ ປກຊ ກໍ່ສາມາດຈັບໂຕ ທ້າວ ໂອລິດ ຜູ້ກໍ່ເຫດໄດ້.
ຊາວບ້ານໄດ້ບອກໃຫ້ຮູ້ຕື່ມວ່າ, ຜ່ານມາທ້າວໂອລິດກໍ່ເປັນຄົນຮູ້ຜູ້ດີ ດຸໝັ່ນເຮັດວຽກ, ກ່ອນໜ້ານັ້ນ ຜູ້ກ່ຽວໄດ້ໜີໄປເຮັດວຽກຢູ່ໄທ ແລະ ຕິດຢາບ້າ.
ພໍກັບມາ ກໍ່ປ່ຽນພຶດຕິກຳ ແລະ ກາຍເປັນຄົນລະຄົນ ຍ້ອນພິດຂອງຢາບ້າ.
ພາບແລະຂ່າວ: ລາຍການທັນເຫດ