ສຳນັກຂ່າວຕ່າງປະເທດ ລາຍງານໃນວັນທີ 15 ຕຸລານີ້ວ່າ ຍອດຜູ້ເສຍຊີວິດຈາກເຫດຜູ້ສະແຫວງບຸນຢຽບກັນຕາຍ ລະຫວ່າງປະກອບພິທີຮັດ ໃນເມືອງມີນາ ປະເທດອາຣັບບີ ຊາອຸດິດ ເມື່ອວັນທີ 24 ກັນຍາຜ່ານມາ ໄດ້ເພີ່ມຂຶ້ນເປັນຢ່າງໜ້ອຍ 1,621 ຄົນ ໂດຍຕົວເລກດັ່ງກ່າວນີ້ ໄດ້ຮັບການເປີດເຜີຍຈາກຈຳນວນຜູ້ເສຍຊີວິດຂອງລັດຖະບານ 19 ປະເທດ ຈາກ 180 ປະເທດ ທີ່ມີຜູ້ສະແຫວງບຸນເດີນທາງໄປເຂົ້າຮ່ວມໃນພິທີດັ່ງກ່າວ.

ແນວໃດກໍຕາມ ທາງການອາຣັບບີ ອາຊຸດິດ ໄດ້ອອກມາເປີດເຜີຍຕົວເລກຜູ້ເສຍຊີວິດຢູ່ທີ່ 769 ຄົນ ແລະ ບາດເຈັບ 934 ຄົນ ແລະ ອ້າງວ່າຕົວເລກດັ່ງກ່າວແມ່ນຖືກຕ້ອງແລ້ວ ສ່ວນສາເຫດທີ່ພາໃຫ້ເກີດເຫດການດັ່ງກ່າວ ແມ່ນຍັງຢູ່ໃນລະຫວ່າງດຳເນີນການ.