spot_img
Homeຂ່າວການພັດທະນາປກສ ເມືອງ​ໄຊ​ທານີ ໄດ້ຮັບລົດມອດໄຟ 2 ຄັນ

ປກສ ເມືອງ​ໄຊ​ທານີ ໄດ້ຮັບລົດມອດໄຟ 2 ຄັນ

Published on

fire car

ໃນ​ວັນ​ທີ 14 ຕຸລາ​ນີ້, ​ພະ​ແນ​ກຕຳຫລວດສະກັດ​ກັ້ນ ​ແລະ ຕ້ານ​ອັກຄີ​ໄພ ນະຄອນຫລວງ​ວຽງ​ຈັນ ​​ໄດ້​ມອບ​ລົດ​ມອດ​ໄຟ​ຈຳນວນ 2 ຄັນ​ໃຫ້ກອງ​ບັນຊາ​ການ​ເມືອງ​ໄຊ​ທານີ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ​ຮອງ​ເຈົ້າ​ເມືອງ​ດັ່ງກ່າວ, ​ເນື່ອງ​ຈາກ​ວ່າ​ສະພາບ​ອັກຄີ​ໄພ​ມັກ​ເກີດ​ຂຶ້ນ​ຫລາຍ​ໂດຍ​ສະ​ເພາະ​ລະດູ​ແລ້ງ.

ຮອງຫົວໜ້າ​ພະ​ແນ​ກສະກັດ​ກັ້ນ ​ແລະ ຕ້ານ​ອັກຄີ​ໄພ ນະຄອນຫລວງ​ວຽງຈັນ ​​ໃຫ້​ຮູ້​ວ່າ: ​ໃນ​ປີ 2014 ຜ່ານ​ມາ, ຢູ່​ນະຄອນຫລວງ​ວຽງຈັນ ​ມີ​ອັກຄີ​ໄພ​ເກີດ​ຂຶ້ນ 86 ​ຄັ້ງ, ສົ່ງ​ຜົນ​ໃຫ້​ມີມູນ​ຄ່າ​ເສຍ​ຫາຍ​ຫລາຍ​ກວ່າ 190 ຕື້​ກີບ. ສ່ວນ​ໜຶ່ງ​ກໍ​ຍ້ອນ​ການ​ເຮັດ​ວຽກ​ສະກັດ​ກັ້ນ ​ແລະ ຕ້ານ​ອັກຄີ​ໄພ​ຂອງ​ກຳລັງ​ເຈົ້າ​ໜ້າ​ທີ່​ຍັງ​ບໍ່​ທັນ​ກວ້າງຂວາງ, ປະຊາຊົນ​ຈຳນວນ​ໜຶ່ງ​ບໍ່​ທັນ​​ເຫັນ​ຄວາມ​ສຳຄັນ​ຕໍ່​ວຽກ​ງານ​ດັ່ງກ່າວ, ພ້ອມ​ນີ້ ການ​ຂະຫຍາຍ​ສະຖານີມອດ​ໄຟ​ຍັງ​ບໍ່​ທັນ​ກະຈາຍ​ເຖິງ​ບັນ​ດາ​ເມືອງ ທີ່ຢູ່​ຫ່າງ​ໄກ​ສອກຫລີກ. ດັ່ງ​ນັ້ນ ພະ​ແນ​ກຕຳຫລວດ​ສະກັດ​ກັ້ນ ​ແລະ ຕ້ານ​ອັກຄີ​ໄພ ນະຄອນຫລວງ​ວຽງ​ຈັນ ຈຶ່ງ​ເຫັນ​ຄວາມ​ສຳຄັນ​ຕໍ່​ວຽກ​ງານ​ສະກັດ​ກັ້ນ​ ​ແລະ ຕ້ານ​ອັກຄີ​ໄພ ​ຈຶ່ງໄດ້​ນຳ​ເອົາ​ລົດ​ມອດ​ໄຟ ຈຳນວນດັ່ງກ່າວ ​ໃຫ້​ ປກສ ​ເມືອງ​ໄຊ​ທານີ, ຊຶ່ງ​ເປັນ​ເຂ​ດຊານ​ເມືອງ​ໃຫ້​ມີ​ຄວາມ​ສາມາດ​ເຮັດ​ໜ້າ​ທີ່​ຂອງ​ຕົນ​ມີ​ຜົນສຳ​ເລັດ​ຄື: ລົດ​ຄັນ​ໜຶ່ງ ບັນຈຸ​ນ້ຳ​ໄດ້ 1.500 ລິດ ​ແລະ ອີກ​ໜຶ່ງ​ຄັນ ບັນຈຸ​ນ້ຳ​ໄດ້ 1.000 ລິດ, ພ້ອມ​ຊ່ວຍ​ຝຶກ​ອົບຮົມ ​ແລະ ສອນ​ວິທີ​ນຳ​ໃຊ້​ລົດ​ມອດ​ໄຟ​ດັ່ງກ່າວ​ໃຫ້​ເຈົ້າ​ໜ້າ​ທີ່​ຜູ້​ເຮັດ​ວຽກ​ງານ​ນີ້ ມີ​ຄວາມ​ສຳ​ນິສຳ​ນານ ສາມາດ​ສະກັດ​ກັ້ນ ​ແລະ ຕ້ານ​ອັກຄີ​ໄພ ຢູ່​ສະຖານ​ທີ່​ເກີດ​ເຫດ​ຕ່າງໆ​ໃຫ້​ວ່ອງ​ໄວ ​ແລະ ທ່ວງທັນ​ເວລາ.

ໃນ​ອາທິດ​ຜ່ານ​ມາ, ພະ​ແນ​ກສະ​ກັດ​ກັ້ນ ​ແລະ ຕ້ານ​ອັກຄີ​ໄພ ນະຄອນຫລວງ​ວຽງ​ຈັນ ກໍ​ໄດ້​ມອບ​ລົດ​ດັ່ງກ່າວ​ໃຫ້​ເມືອງ​ປາກງື່ມ ​ແລະ ຈະ​ສືບ​ຕໍ່​ມອບ​ໃຫ້​ເມືອງ​ຫາດ​ຊາຍ​ຟອງ ​ແລະ ​ເມືອງ​ອື່ນໆ​ອີກ, ​ເພື່ອ​ເຂົາ​ເຈົ້າ​ສາມາດ​ເຮັດ​ວຽກ​ງານ ສະກັດ​ກັ້ນ ​ແລະ ຕ້ານ​ອັກຄີ​ໄພ​ມີ​ປະສິດທິພາບ​ສູງ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...