ເມື່ອວັນທີ່ 9 ຕຸລາທີ່ຜ່ານມາ ນັບວ່າເປັນດາລາດັງທີ່ອາຍຸກໍຫລາຍແລ້ວ ແຕ່ຍັງຮັກສາຄວາມເຈົ້າຊູ້ໄວ້ໄດ້ ລວມເຖິງການໃຊ້ຊີວິດແບບສຸດໆນໍາອີກ ສໍາຫລັບ ຊຸບເປີລສຕາລຮໍລີວູດກໍ່ຄື “ລິຊາລ ເກຍ” ຊຶ່ງໄດ້ໂພດຮູບລົງເຟຊບຸກສ່ວນໂຕ ບອກເລົ່າເຖິງການເຮັດພາລະກິດຄັ້ງຍິ່ງໃຫຍ່ ດ້ວຍການຕັດສິນໃຈປ່ຽນຮູບຮ່າງເປັນ ຄົນຂາດເຮືອນ ໂດຍຮູບທີ່ເຫັນນີ້ ລິຊາລ ໃສ່ເສື້ອແຈກເກັດສີຟ້າແຄບນ້ຳຕານກັບໂສ້ງສີຂຽວອ່ອນ ແຖມຖົງຕີນທີ່ໃສ່ຍັງສະຫລັບສີ ກ່ອນໃສ່ໝວກພ້ອມກັບຫນ້າທີ່ບໍ່ໄດ້ແຖໜວດນັ່ງກອດເຂົ່າເບິ່ງດ້ວຍສາຍຕາຫົດຫູ່ຈົນເອີ້ນວ່າຖ້າເບິ່ງຜ່ານໆຄືຄົນຂາດເຮືອນແທ້ໆເລີຍກໍວ່າໄດ້
ລິຊາລ ໄດ້ບັນຍາຍໄລຍະເວລາທີ່ຕົວເອງຢາກເປັນຄົນຂາດເຮືອນວ່າ “ຕອນທີ່ຂ້ອຍຕັດສິນໃຈປອມໂຕເປັນຄົນຂາດເຮືອນໃນນະຄອນນິວຢອກ ບໍ່ມີໃຜຮູ້ວ່າເປັນຂ້ອຍ ຜູ້ຄົນຕ່າງຍ່າງຜ່ານຂ້ອຍໄປແລະເບິ່ງດ້ວຍສີໜ້າເບິ່ງດູຖູກ ຍົກເວັ້ນຜູ້ຍິງພຽງຄົນດຽວ ທີ່ເມດຕາພໍທີ່ຈະໃຫ້ອາຫານກັບຂ້ອຍ ມັນເປັນປະສົບການທີ່ຂ້ອຍບໍ່ມີມື້ລືມ ດັ່ງນັ້ນຫລາຍເທື່ອເຮົາມັກລືມໄປວ່າເຮົາມີຄວາມສຸກໄດ້ແບບໃດ ເຮົາບໍ່ຄວນທີ່ຈະໃຊ້ເວລາກັບການໄດ້ຮັບ ຖ້າເຮົາສາມາດຊ່ວຍເຫລືອຜູ້ທີ່ຕ້ອງການຄວາມຊ່ວຍເຫລືອໄດ້ ກໍຄວນເຮັດ ນັ້ນແຫລະເປັນຫຍັງຫລັງຈາກທີ່ຂ້ອຍໄດ້ປອມໂຕເປັນຄົນຂາດເຮືອນແລ້ວ ຂ້ອຍຍ່າງໄປທົ່ວ ໃຫ້ອາຫານແລະເງິນອີກ 100 ໂດລາກັບຄົນຂາດເຮືອນທຸກຄົົນທີ່ຂ້ອຍເຫັນ ພວກເຂົາຮ້ອງໄຫ້ ແລະ ຮູ້ສຶກຂອບໃຈ ຈົ່ງປ່ຽນແປງສິ່ງທີ່ເຈົ້າປາດຖະຫນາທີ່ຈະເຫັນໃນໂລກໜ່ວຍນີ້”