ສຳນັກຂ່າວຕ່າງປະເທດ ລາຍງານໃນວັນທີ 12 ຕຸລາຜ່ານມານີ້ວ່າ ລັດຖະບານຕວກກີ ໂດຍນາຍົກລັດຖະມົນຕີ ອາເມັດ ດາວູໂຕກລູ ໄດ້ອອກມາລະບຸວ່າ ເຫດລະເບີດໃນມື້ວັນເສົາທີ 10 ຕຸລາ 2015 ມີຜູ້ຖືກສົງໄສຫລັກຄືກຸ່ມລັດອິດສະລາມ ຫລື ກຸ່ມໄອເອັສ ຊຶ່ງເຫດການດັ່ງກ່າວນີ້ ໄດ້ສົ່ງຜົນເຮັດໃຫ້ມີຜູ້ເສຍຊີວິດຢ່າງໜ້ອຍ 97 ຄົນ ຢູ່ໃຈກາງນະຄອນຫລວງອັງກາຣາ ຊຶ່ງເປັນເຫດການໂຈມຕີດ້ວຍລະເບີດຂ້າຕົວຕາຍ ຄັ້ງຮຸນແຮງທີ່ສຸດໃນດິນແດນຕວກກີ